جنوبی افریقن ٹیم انگلینڈ کو شکست دے کر پہلی مرتبہ ویمنز ورلڈ کپ کے فائنل میں پہنچ گئی
گوہاٹی؛ ویمنز ورلڈ کپ کے میچ میں جنوبی افریقا نے انگلینڈ کو 125 رنز سے شکست دے کر پہلی مرتبہ ویمنز ورلڈ کپ کے فائنل میں رسائی حاصل کرلی۔
شاندار کارکردگی کا مظاہرہ کرتے ہوئے جنوبی افریقا ویمن ٹیم نے پہلے بیٹنگ کی 7وکٹوں کے نقصان پر 319رنز اسکور کئے۔ اوپنر لورا وولوارٹ نے شاندار بیٹنگ کرتے ہوئے 169 رنز کی یادگار اننگز کھیلی۔
ہدف کے تعاقب میں انگلش ویمنز ٹیم 194 رنز پر ڈھیر ہوگئی۔ نیٹ سیور برنٹ نے 64 اور ایلس کیپسی نے 50 رنز بنائے، تاہم کوئی بھی کھلاڑی ٹیم کو فتح نہ دلا سکی۔
جنوبی افریقا کی جانب سے ماریزان کپ نے تباہ کن بولنگ کرتے ہوئے 5 کھلاڑیوں کو پویلین کی راہ دکھائی۔
