سی پی ایل 2026: اینٹیگوا فالکنز نے شاندار کارکردگی سے ٹائٹل اپنے نام کر لیا
اینٹیگوا (پی پی اے) اینٹیگوا اینڈ باربوڈا فالکنز نے کیریبین پریمیئر لیگ 2026 میں شاندار کارکردگی کا مظاہرہ کرتے ہوئے ٹائٹل اپنے نام کر لیا
فالکنز نے ایونٹ کے دوران ٹرنباگو نائٹ رائیڈرز کو 8 رنز سے شکست دے کر اپنی دوسری کامیابی حاصل کی، جبکہ فائنل میں جمیکا کنگز مین کو 8 وکٹوں سے شکست دے کر چیمپئن بننے کا اعزاز حاصل کیا۔
ٹرنباگو نائٹ رائیڈرز کے خلاف میچ میں فالکنز نے پہلے بیٹنگ کرتے ہوئے 20 اوورز میں 6 وکٹوں کے نقصان پر 167 رنز بنائے فیبین ایلن نے 45 جبکہ پاکستان کے آل راؤنڈر اور فالکنز کے کپتان عماد وسیم نے ناقابل شکست 39 رنز بنائے
جواب میں ٹرنباگو نائٹ رائیڈرز 20 اوورز میں 6 وکٹوں کے نقصان پر 159 رنز بنا سکی اوبید میک کوائے نے شاندار باؤلنگ کرتے ہوئے 4 وکٹیں حاصل کیں اور میچ کے بہترین کھلاڑی قرار پائے۔
فائنل میں جمیکا کنگز مین نے پہلے بیٹنگ کرتے ہوئے 20 اوورز میں 9 وکٹوں پر 170 رنز بنائے معاز صداقت نے 58 گیندوں پر شاندار 114 رنز کی اننگز کھیلی،
تاہم ان کی سنچری بھی ٹیم کو کامیابی نہ دلا سکی فالکنز کی جانب سے پاکستان کے سفیان مقیم نے تباہ کن باؤلنگ کرتے ہوئے 4 وکٹیں حاصل کیں 171 رنز کے ہدف کے تعاقب میں اینٹیگوا اینڈ باربوڈا فالکنز نے 16.4 اوورز میں 2 وکٹوں کے نقصان پر 173 رنز بنا کر فائنل 8 وکٹوں سے جیت لیا
اے جانگو نے ناقابل شکست 57 رنز جبکہ پاکستان کے حسن نواز نے 35 گیندوں پر ناٹ آؤٹ 47 رنز بنا کر ٹیم کی فتح میں اہم کردار ادا کیا
یوں اینٹیگوا اینڈ باربوڈا فالکنز نے پورے ٹورنامنٹ میں عمدہ کارکردگی کا سلسلہ جاری رکھتے ہوئے کیریبین پریمیئر لیگ 2026 کی ٹرافی اپنے نام کر لی جبکہ پاکستانی کھلاڑیوں سفیان مقیم، حسن نواز اور عماد وسیم نے ٹیم کی کامیابی میں نمایاں کردار ادا کیا
