Tag: نئی دہلی

نئی دہلی (سپورٹس لنک رپورٹ) سابق بھارتی اوپننگ بیٹسمین گوتم گمبھیر کو ایک بار پھر آئی پی ایل دو ہزار اٹھارہ سیزن کیلئے دہلی ڈیر ڈیولز کا کپتان مقرر کردیا گیا،ان کا کہنا ہے کہ قیادت کا منصب اہم اعزاز سہی مگر یہ ذمہ داری بہت بڑا چیلنج بھی ہے جس کو نبھانے کی وہ بھرپور کوشش کریں گے ۔ فرنچائز نے انہیں جنوری میں ہونے والی نیلامی کے دوران دو کروڑ 80 لاکھ روپے میں خریدا تھا اور گوتم گمبھیر کا خیال ہے کہ انہیں جو کھلاڑی دیئے گئے ہیں ان کے ساتھ وہ ایک متوازن ٹیم تیار کرنے میں کامیاب ہو جائیں گے ۔

نئی دہلی(سپورٹس لنک رپورٹ)بھارتی کرکٹ ٹیم کے کوچ روی شاستری نے کپتان ویرات کوہلی کو سابق پاکستانی کپتان عمران خان کے ہم پلہ قرار دے دیا۔

سابق بھارتی کرکٹر روی شاستری نے ایک انٹرویو میں کپتان ویرات کوہلی کا موازنہ ورلڈ کپ 92 کی فاتح پاکستان ٹیم کے کپتان عمران خان سے کیا ہے۔

روی شاستری کا کہنا ہے کہ کوہلی ذہنی اور جسمانی طور عمران خان کی طرح مضبوط ہیں۔

انہوں نے کہا کہ ابھی کوہلی کا آغاز ہے ، وہ نوجوان ہیں لیکن اس کے باوجود اس کا شمار بہترین کھلاڑیوں میں ہونے لگا ہے۔

روی شاستری کے مطابق کوہلی مثالی قیادت کرنا چاہتے ہیں ، یہی وجہ ہے کہ وہ انہیں عمران خان کی یاد دلاتے ہیں اور کوہلی میں بہت سی ایسی خصوصیات ہیں جو عمران خان میں دیکھیں۔

روی شاستری کا کہنا ہے کہ کوہلی میں بھی یہ خوبی ہے کہ وہ آغاز میں ہی صورت حال کو کنٹرول کرنے اور کھیل پر غلبہ حاصل کرناچاہتا ہے، کوہلی کے ذہن میں یہ بات ہے کہ کوئی چیز مشکل نہیں سب ممکن ہے۔

نئی دہلی (سپورٹس لنک رپورٹ)بھارتی ٹیم کے آل رائونڈر یووراج سنگھ نے کہا ہے کہ آئندہ برس شیڈول آئی سی سی ون ڈے ورلڈ کپ کے بعد اپنے مستقبل کے بارے فیصلہ کروں گا۔

بھارتی میڈیا کے مطابق یووراج کا کہنا ہے کہ ٹیم میں کم بیک کرنے کیلئے پر امید ہوں اور مقصد کے حصول کیلئے سرتوڑ کوشش کروں گا۔

یووراج سنگھ نے آخری مرتبہ جون 2017ء میں ون ڈے میچ میں بھارتی ٹیم کی نمائندگی کی تھی، اپنے ایک بیان میں انہوں نے کہا کہ ابھی کرکٹ سے لطف اندوز ہو رہاہوں اسلئے کھیل کو جاری رکھوں گا۔

انہوں نے کہا کہ رواں برس شیڈول آئی پی ایل میرے کیریئر کیلئے انتہائی اہمیت کا حامل ہے، کوشش ہو گی کہ عمدہ کارکردگی کا مظاہرہ کر کے نہ صرف ٹیم کو فتوحات دلانے میں کردار ادا کروں بلکہ بھارتی ٹیم میں کم بیک کروں۔

کینسر کی وجہ سے میرا کیریئر بری طرح متاثر ہوا لیکن اس کے باوجود میرے حوصلے پست نہیں ہوئے، کینسر سے صحت یاب ہونے کے بعد بھی مجھے ملک کی نمائندگی کا موقع ملا اسلئے پوری امید ہے کہ دوبارہ بھارت کی نمائندگی کا موقع ملے گا اور ہدف کے حصول کیلئے سخت محنت کر رہا ہوں۔

واضح رہے کہ یووراج سنگھ 2011ء میں منعقدہ ورلڈ کپ میں بھارتی ٹیم کے ہیرو تھے، انہوں نے میگا ایونٹ میں عمدہ آل رائونڈ کارکردگی کا مظاہرہ کر کے ٹیم کو 28 برس بعد عالمی چیمپئن بنوانے میں کلیدی کردار ادا کیا تھا تاہم ان دنوں انہیں ٹیم سے دوری کا سامنا ہے جس کے باعث ان کے مستقبل پر سوالیہ نشان ہے۔

نئی دہلی (سپورٹس لنک رپورٹ)پاکستان سپر لیگ کی بڑھتی ہوئی مقبولیت نے بھارتی کرکٹ لوورز کو بھی اپنی لپیٹ میں لے لیا، پہلی بار بھارت میں کرکٹ فینز کو پی ایس ایل کے میچز کے لئے لائیو اسٹریمنگ اور ٹیلی کاسٹ کی سہولت حاصل ہوگئی ہے۔پاکستان سپر لیگ میں بھارتی کھلاڑی تو شامل نہیں تاہم پہلے دو سیزن کی شاندار کامیابی کے بعد اب بھارت کے کرکٹرز اور فینز پی ایس ایل دیکھنے کیلئے کافی بے تاب ہیں ۔پہلے دو ایڈیشنز میں بھارت میں یہ میچز ٹیلی کاسٹ نہیں کئے گئے تھے تاہم اس بارچھ ٹیموں پرمشتمل پاکستان سپر لیگ بھارت میں ڈی ایس اسپورٹس کے تحت ٹیلی کاسٹ اور لائیو اسٹریم ہوسکے گی ۔ڈسکوری کمیونی کشن کے چینل کیذریعے پورا بھارت پی ایس ایل کے میچز براہ راست انجوائے کرسکے گا۔ڈی ایس اسپورٹس کی آفیشل ویب سائٹ کے مطابق پی ایس ایل تھری کے کمنٹری پینل میں رمیز راجہ ڈینی موریسن ، ایلین وائیکنگز، بازید خان، مائیکل سلیٹر اور ڈیمین فلیمنگ جیسے بڑے نام شامل ہیں جبکہ بھارتی کرکٹ فینز کرکٹ گیٹ وے ڈاٹ کام کے ذریعے پی ایس ایل کے میچز لائیو اسٹریم کرسکیں گے۔

نئی دہلی (سپورٹس لنک رپورٹ)بھارتی کھلاڑی سریش رائنا کی ایک بار پھر بھارتی ٹیم میں واپسی ممکن ہو گئی، حالیہ ساؤتھ افریقہ دورے میں ٹی 20 سریز میں شریش رائنا کو ٹیم میں شامل کرلیا گیا ہے۔

دہلی میں میڈیا سے گفتگو کرتے ہوئے سریش رائنا نے کہا کہ اتنے وقت تک ٹیم میں شامل نہیں کرنے پر بہت دکھ ہوا، بائیں ہاتھ کے کھلاڑی کا مزید کہنا تھا کہ میں 2019 کا ورلڈ کپ کھیلنا چاہتا ہوں۔

بھارتی میڈیا کے مطابق سریش رائنا کا کہنا تھا کہ اچھی کارگردگی کے باوجود مجھےٹیم سے ڈراپ کیا گیااس بات کا بہت افسوس ہوا، لیکن اب یو یو ٹسٹ کلیئرکر لیا ہے اور بہت اچھا محسوس کر رہا ہوں، ان تمام مہینوں کے دوران بہت مشکل تربیت کی ہے تاکہ ایک بار پھر ٹیم کے لیے بہت اچھا کھیل پیش کر سکوں۔

انہوں نے مزید کہا کہ میں ٹریننگ نہیں چھوڑوں گا، کیونکہ جب تک ممکن ہے بھارت کےلیے کھیلنا چاہتا ہوں، اب 2019 کا ورلڈ کپ بھی کھیلنا چاہتا ہوں کیوںکہ میں انگلینڈ میں اچھی کارگردگی دکھا چکا ہوں، مجھے اپنی صلاحیتوں پراعتماد ہے کہ میں ساؤتھ افریقہ کے خلاف تین ٹی 20 میچزمیں اچھا کھیل پیش کرو نگا۔

31 سالہ کھلاڑی 223 ایک روزہ جبکہ 65 ٹی 20 میں بھارت کی نمائندگی کرنےوالے سریش رائنا خود کو اس کھیل کے لئے بہت تازہ دم محسوس کر رہے ہیں۔

بائیں ہاتھ سے کھیلنے والےسریش رائنانے آخری مرتبہ گزشتہ سال فروری میں انگلینڈ کے خلاف ٹی 20 سیریز میں بھارت کی نمائندگی کی تھی اور اس میں انہوں نے 63 رنز کی اعلیٰ بیٹنگ کا مظاہرہ کیا تھا، البتہ یو یو ٹیسٹ کلیئر نہ کرنے کے باعث بھارتی ٹیم سے آؤٹ ہو گئے تھے۔

ان کا مزید کہنا تھا کہ اس مشکل گھڑی میں میرے خاندان نے مجھے بہت سپورٹ کیا، میں نے بہت سے ڈومیسٹک میچز کھیلے تا کہ یو یو ٹیسٹ کلیئر کر سکوں، میں نے اس پر بہت زیادہ محنت کی ہے، میں ہمیشہ اپنے پورے کیریئر میں فٹ رہا مگر اس مرتبہ اچانک ٹیسٹ کا کلیئر نہ ہونےکاسبب میری انجری تھی۔