نئی دہلی (سپورٹس لنک رپورٹ)پاکستان سپر لیگ میں کوئٹہ گیڈیئیٹرز کے کھلاڑی اور سابق انگلش کرکٹر کیون پیٹرسن نے ننھے تیندوے کو گود لے لیا ہے۔
پی ایس ایل میں شرکت کیلئے دبئی آئے ہوئے کیون پیٹرسن اس مقصد کیلئے خصوصی طور پر بھارت گئے جہاں انہوں نے ننھے تیندوے کو گود میں لے کر دودھ پلایا۔
پیٹرسن نے یہ ویڈیو اپنے سوشل میڈیا اکاؤنٹ پر جاری کی تو مداحوں کی جانب سے ان کے اس اقدام کو خوب سراہا گیا۔
واضح رہے کہ کیون پیٹرسن جانوروں سے بے پناہ محبت کرتے ہیں اور گزشتہ دنوں بھارت میں تندوؤں کی نسل کو خطرات سے متعلق خبر پر انہوں نے ننھے تیندوے کو گود لینے کا فیصلہ کیا تھا۔
