نیشنل ویمنز فٹبال کلب چیمپئن شپ ؛ پہلے روز پانچ میچ کھیلے گئے

نیشنل ویمنز فٹبال کلب چیمپئن شپ 2024 کے پہلے روز چار شہروں میں پانچ میچ کھیلے گئے۔

لاہور میں منعقدہ پہلے میچ میں، ٹی ڈبلیو کے نے ینگ رائزنگ اسٹارز کے خلاف شاندار کارکردگی کا مظاہرہ کرتے ہوئے 21-0 کی زبردست فتح حاصل کی۔

اسلام آباد میں کھیلے جانے والے دوسرے میچ میں لیگیسی ویمنز فٹبال کلب نے اسمرفس ڈبلیو ایف سی کو 9-0 سے شکست دی۔

کراچی میں کھیلے جانے والے تیسرے میچ میں کراچی سٹی ڈبلیو ایف سی نے جہانگیر میموریل ڈبلیو ایف سی کو 44-0 کے غیر معمولی سکور سے شکست دے کر تاریخی فتح حاصل کی۔

چوتھے میچ میں کراچی یونائیٹڈ ڈبلیو ایف سی نے ینگ مسلم ڈبلیو ایف سی کے خلاف 9-0 سے فیصلہ کن فتح حاصل کی۔

کوئٹہ میں منعقدہ دن کے آخری میچ میں ہزارہ کوئٹہ ویمن ایف سی نے اپنی مہارت کا مظاہرہ کرتے ہوئے بلوچستان ڈبلیو ایف سی کو 8-0 سے شکست دے دی۔