کے ٹو میں برفانی تودہ آ گرا، ہائی پورٹرجاں بحق، تین غیرملکی کوہ پیما زخمی
کے ٹو میں برفانی تودہ آ گرا، ہائی پورٹرجاں بحق، 3 غیرملکی کوہ پیما زخمی
شگر/ گلگت بلتستان ; کے ٹو بیس کیمپ کے قریب پیش آنے والے برفانی تودے کے حادثے میں ایک مقامی ہائی پورٹر جاں بحق جبکہ تین غیرملکی کوہ پیما زخمی ہو گئے۔
برفانی تودے کی زد میں آکر مقامی ہائی پورٹر جاں بحق ہوگیا، حادثے میں تین غیر ملکی کوہ پیما زخمی بھی ہوئے، جاں بحق ہائی پورٹر کی میت بیس کیمپ منتقل کر دی گئی۔
واضح رہے کہ دنیا کے دوسرے بلند ترین پہاڑ کے ٹو کو سر کرنے کی مہم جوئی میں حادثہ پیش آتے رہتے ہیں، پہلے بھی غیر ملکی کوہ پیما برفانی شگاف میں گر کر لاپتہ ہوگیا تھا۔
ذرائع نے بتایا تھاکہ پاکستان کے معروف کوہ پیما سمیت دیگر غیر ملکی کوہ پیما دنیا کی دوسری بلند ترین چوٹی کے ٹو کو سر کرنے اور عالمی ریکارڈ بنانے میں مصروف رہتے ہیں، اس دوران غیر ملکی کوہ پیما کیساتھ حادثہ پیش آیا تھا۔
واضح رہے اس سے قبل دس نیپالی کوہ پیماؤں کی ٹیم بھی پاکستان کے بلند ترین پہاڑ کے ٹو کو سر کرنے میں کامیاب ہوچکی ہے، سیون سمٹ ٹریکس اور سونا شرپا نامی کوہ پیما بھی اس ٹیم کا حصہ تھے۔
ریسکیو ذرائع کے مطابق زخمی کوہ پیماؤں کو فوری طور پر بیس کیمپ منتقل کر دیا گیا ہے جہاں انہیں طبی امداد دی جا رہی ہے۔ جاں بحق کوہ پیما افتخار کی میت آج سکردو منتقل کی جائے گی۔
حادثہ کے بعد مقامی اور بین الاقوامی کوہ پیماؤں میں تشویش کی لہر دوڑ گئی ہے۔ انتظامیہ نے کے ٹو پر موجود دیگر ٹیموں کو محتاط رہنے کی ہدایت جاری کی ہے۔
