انٹرنیشنل تائیکوانڈو چیمپئن شپ میں سوات کے بہن بھائیوں نے تاریخ رقم کردی
کوالالمپور ; ملیشیا میں ہونے والی MBW انٹرنیشنل تائیکوانڈو چیمپئن شپ میں پاکستان کے کھلاڑیوں نے شاندار کارکردگی دکھا کر ایک نیا ریکارڈ قائم کردیا۔
سوات سے تعلق رکھنے والے ایاز فیملی کے تین بہن بھائیوں نے مجموعی طور پر چار انٹرنیشنل میڈلز اپنے نام کر کے پاکستان کا نام روشن کردیا۔
قوم کی بیٹی عائشہ ایاز کی شاندار کارکردگی پاکستان کی مایہ ناز کھلاڑی عائشہ ایاز نے 14 سال کی کیٹیگری میں شاندار کھیل پیش کرتے ہوئے گولڈ میڈل جیتا۔
انہوں نے اپنے مقابلوں میں ہانگ کانگ، بھارت اور ملیشیا کے کھلاڑیوں کو شکست دی۔ عائشہ نے مزید ایک برانز میڈل بھی اپنے نام کیا، جو ان کی شاندار محنت کا منہ بولتا ثبوت ہے۔
محمد زریاب ایاز خان کا گولڈ میڈل عائشہ کے بھائی محمد زریاب ایاز خان نے بھی کم عمر میل کیٹیگری (14 سال سے کم) میں اپنے شاندار کھیل سے گولڈ میڈل حاصل کیا اور ملک کا نام فخر سے بلند کیا۔
گلالئی ایاز کی شاندار انٹری ایاز فیملی کی سب سے کم عمر کھلاڑی گلالئی ایاز نے بھی اپنی صلاحیتوں کا لوہا منواتے ہوئے برانز میڈل جیتا۔ اس طرح پہلی مرتبہ پاکستان کی تاریخ میں ایک ہی گھر کے تین بہن بھائیوں نے ایک ہی انٹرنیشنل ایونٹ میں چار میڈلز جیت کر ایک ریکارڈ قائم کردیا۔
MBW انٹرنیشنل تائیکوانڈو چیمپئن شپ میں دنیا بھر سے 32 ممالک کے 4200 سے زائد کھلاڑیوں نے شرکت کی۔ سخت مقابلے کے باوجود پاکستانی کھلاڑیوں نے اپنی جرات اور مہارت سے سب کو حیران کردیا۔
نیشنل کوچ ایاز خان کی تربیت کا نتیجہ ان تینوں کھلاڑیوں کے والد ایاز خان پاکستان تائیکوانڈو کے نیشنل کوچ ہیں اور سوات مینگورہ سے تعلق رکھتے ہیں۔
ان کی محنت اور رہنمائی نے بچوں کو اس کامیابی کی بلندیوں تک پہنچایا۔ یہ کامیابی نہ صرف ایاز فیملی کے لیے بلکہ پورے پاکستان کے لیے باعثِ فخر ہے۔
