پاکستان کے عثمان بٹ نے ایشین آرم ریسلنگ چیمپئن شپ میں گولڈ میڈل جیت لیا
پاکستان کے طاقتور آرم ریسلر عثمان بٹ نے متحدہ عرب امارات کے شہر عجمان میں جاری ایشیائی آرم ریسلنگ چیمپئن شپ میں 58 کلوگرام کیٹیگری میں گولڈ میڈل جیت لیا ہے۔
فائنل میں انہوں نے قازقستان کے حریف کو شکست دے کر یہ تاریخی کارکردگی دکھائی جو پاکستان کا ایشیا کی سطح پر آرم ریسلنگ کا پہلا گولڈ میڈل ہے۔
عثمان بٹ جو نیشنل سطح پر چار بار مسلسل گولڈ میڈلسٹ اور انڈو پاک مقابلوں میں بھی سنہری تمغہ حاصل کر چکے ہیں نے اس کامیابی سے ملک کا سر فخر سے بلند کر دیا ہے۔
