ورلڈ باکسنگ چیمپئن شپ، بھارت کی دو خاتون باکسرز نے طلائی تمغے جیت لئے

بھارت کی خاتون باکسر نگہت زرین نے نئی دہلی میں جاری ورلڈ باکسنگ چیمپئن شپ میں دو مرتبہ کی ایشین چیمپئن ویت نام کی کھلاڑی گیوین تھائی تھام کو شکست دیکر طلائی تمغہ جیت لیا ہے، نگہت زرین بھارت کی دوسری کھلاڑی ہیں جنہوں نے ورلڈ باکسنگ چیمپئن شپ میں دوسری مرتبہ طلائی تمغہ جیتا ہے

اس سے قبل یہ اعزاز ایم سی میری کوم کو حاصل تھا، ایک اور مقابلے میں بھارت کی لولینا بورگوہین نے بھی اپنے کیریئر کا پہلا طلائی تمغہ جیت لیا ہے، لولینا نے آسڑیلیا کی کیٹلین پارکر کو شکست دیکر طلائی تمغہ جیتا، اس سے قبل لولینا بھارت کیلئے دو مرتبہ کانسی کا تمغہ ہی جیتنے میں کامیاب ہو سکی تھیں۔