پاکستان سپر لیگ10 کی ری پلیسمنٹ ڈرافٹ کل ہوگی
ایچ بی ایل پاکستان سپر لیگ( پی ایس ایل) 10 کا متبادل ڈرافٹ پیر کی شام کو ایک ورچوئل سیشن کے ذریعے ہوگا۔
پاکستان کرکٹ بورڈ ( پی سی بی ) کے مطابق ایچ بی ایل پی ایس ایل 10 کی ری پلیسمنٹ ڈرافٹ کل ہو گی ۔ پی ایس ایل ری پلیسمنٹ ڈرافٹ ورچوئل سیشن میں ہو گی۔
پی سی بی کا کہنا ہے کہ پانچ کرکٹرز چند میچز کے لیے اپنی فرنچائزز کو دستیاب نہیں ہوں گے ، فرنچائزز جزوی طور پر عدم دستیاب کھلاڑیوں کے متبادل لیں گی۔
پی سی بی کے مطابق پشاور زلمی ناہید رانا اور کراچی کنگز لٹن داس کے متبادل کھلاڑی لے گی، رسی وین ڈر ڈوسن مارک چیپمین اور کین ولیمسن چند میچز کے لیے دستیاب نہیں۔ پشاور زلمی کاربن بوش کی جگہ پورے سیزن کے لیے کھلاڑی کا انتخاب کرے گی ۔
خیال رہے کہ ایچ بی ایل پی ایس ایل 10 11 اپریل سے 18 مئی تک چار شہروں کراچی، لاہور، ملتان اور راولپنڈی میں شیڈول ہے۔
