ٹی 20 ورلڈ کپ 2026: بھارت نے شاندار ریکارڈ اپنے نام کرلیا
احمد آباد: آئی سی سی ٹی ٹوئنٹی ورلڈکپ 2026 میں بھارتی کرکٹ ٹیم نے زبردست ریکارڈ بنادیا۔
ٹی ٹوئنٹی ورلڈ کپ فائنل میں بھارت نے نیوزی لینڈ کو 96 رنز سے شکست دے کر ٹی ٹوئنٹی ٹائٹل کا کامیاب دفاع کر لیا۔ اس کامیابی کے ساتھ انڈیا اپنے ٹائٹل کا کامیاب دفاع کرنے والی پہلی ٹیم بھی بن گئی ہے۔
بھارتی شہر احمد آباد میں نیوزی لینڈ کے خلاف ٹی ٹوئنٹی ورلڈکپ کے فائنل میں سنجو سمسن نے 14ویں اوور میں راچین راویندرا کی گیندوں پر تین چھکے لگا کر بھارت کو ایک اور ریکارڈ دلا دیا۔
اس کے ساتھ ہی بھارت پہلی ٹیم بن گیا ہے جس نے کسی بھی ورلڈ کپ ایڈیشن میں 100 چھکوں کا ہندسہ عبور کیا۔ اب ٹیم کے مجموعی چھکے کی تعداد 102 ہو گئی ہے۔
بھارتی بیٹر سنجو نے 46 گیندوں پر 89 رنز کی شاندار اننگز کھیل کر شائقین کو محظوظ کیا، لیکن آخرکار وہ ایک فل ٹاس گیند پر آؤٹ ہو گئے۔
نیوزی لینڈ کو شکست دیتے ہی بھارتی ٹیم اب دنیا کی واحد ٹیم بن گئی ہے جس نے اس فارمیٹ میں سب سے زیادہ یعنی تین مرتبہ ٹائٹل اپنے نام کیا ہے۔
مزید یہ کہ بھارت دنیائے کرکٹ کی پہلی ٹیم بھی بن گئی جس نے مسلسل دو مرتبہ ٹی ٹوئنٹی ورلڈکپ جیتا لیا اور اپنے ٹائٹل کا کامیابی سے دفاع کرلیا۔
اس کے ساتھ ساتھ بھارتی ٹیم گھر میں ٹی ٹوئنٹی ورلڈکپ جیتنے والی پہلی ٹیم بھی بن گئی ہے، اس سے قبل کوئی بھی ہوم ٹیم ٹی ٹوئنٹی ورلڈکپ جیتنے میں کامیاب نہ ہوسکی تھی۔
فائنل میں بھارتی کھلاڑیوں نے بیٹنگ اور بولنگ دونوں شعبوں میں شاندار کارکردگی دکھائی اور نیوزی لینڈ کو یکطرفہ مقابلے میں شکست دی۔
خیال رہے کہ بھارت نے پہلی مرتبہ 2007 میں جبکہ دوسری مرتبہ 2024 میں ٹی ٹوئنٹی ورلڈکپ جیتا تھا۔
