نیشنل ٹی ٹوئنٹی کپ ; کراچی وائٹس اور لاہور وائٹس نے کامیاب
اے بی ایس ڈویلپرز نیشنل ٹی ٹوئنٹی کپ کے تیسرے روز بارش سے متاثرہ میچوں میں کراچی وائٹس اور لاہور وائٹس نے کامیابی سمیٹی
پہلے میچ میں سعود شکیل کی ٹیم کراچی وائٹس نے ڈک ورتھ لوئیس سٹرن طریقہ کار کے تحت بہاولپور کو 12 رنز سے شکست دے دی
کراچی وائٹس نے ٹاس جیت کر بہاولپور کو پہلے بیٹنگ کی دعوت دی
بہاولپور نے مقررہ 20 اوورز میں کپتان محمد عمران رندھاوا کی نصف سنچری اور اوپننگ بلے باز فیضان ظفر کے 49 رنز کی بدولت آٹھ وکٹوں کے نقصان پر 185 رنز بنائے
محمد عمران نے اپنی اننگز میں 35 گیندوں کا سامنا کرتے ہوئے 59 رنز بنائے جبکہ ان کی اننگز کی خاص بات پانچ چھکے تھے
کراچی وائٹس کی جانب سے فاسٹ بائولر محمد عمر کی تین جبکہ صائم ایوب کی دو وکٹیں کراچی وائٹس کے عمیر بن یوسف نے بہاولپور کی اننگز کے دوران پانچ کیچز پکڑے
وہ ٹی ٹوئنٹی کرکٹ میں محمد عمر اور صاحبزادہ فرحان کے بعد پانچ کیچز پکڑنے والے تیسرے پاکستانی کھلاڑی بنے
جواب میں کراچی وائٹس کے اوپننگ بلے باز صائم ایوب اور عبداللہ فضل نے بارش کے وقفے سے پہلے نو اوورز میں 78 رنز جوڑے
اس مقام پر کراچی وائٹس کا سکور ڈی ایل ایس کے تحت 66 رنز کے پار سکور سے 12 رنز زیادہ تھا، یہ ان کی ٹورنامنٹ میں لگاتار دوسری جیت ہے
صائم ایوب 35 گیندوں پر سات چوکوں اور دو چھکوں کی مدد سے 53 رنز بنا کر ناقابل شکست رہے، آل راؤنڈ کارکردگی کی بنیاد پر انہیں پلیئر آف دی میچ بھی قرار دیا گیا
بارش سے متاثرہ دوسرے میچ میں لاہور وائٹس نے 10 اوورز کے مقابلے میں فیصل آباد کو چھ وکٹوں سے شکست دی
فیصل آباد نے ٹاس جیت کر پہلے بیٹنگ کا فیصلہ کیا تو میچ کو 16 اوورز تک محدود کیا گیا تھا مگر پانچویں اوور میں بارش کے وقفے کی وجہ سے مزید تین اوورز کم کر دیے گئے
فیصل آباد نے نو اعشاریہ پانچ اوورز میں سات وکٹوں کے نقصان پر 106 رنز بنائے تو بارش کا ایک وقفہ ہوا جسکی وجہ سے میچ 10 اوورز تک محدود ہو کر رہ گیا
108 رنز کے تعاقب میں لاہور وائٹس کی جارحانہ اوپننگ جوڑی محمد اخلاق اور محمد فائق نے 30 گیندوں پر 74 رنز کی دھواں دھار شراکت فراہم کی
محمد فائق 13 گیندوں پر دو چوکے اور تین چھکے لگا کر 32 رنز پر آئوٹ ہوئے، انہوں نے پانچویں اوور میں محمد ذیشان کے خلاف 25 رنز بنائے
پلئیر آف دی میچ محمد اخلاق نے 28 گیندوں پر آٹھ چوکوں اور ایک چھکے کی مدد سے 48 رنز بنائے
لاہور وائٹس نے 107 رنز کا ہدف نو اعشاریہ چار اوورز میں حاصل کیا
فیصل آباد کی جانب سے مبصرخان نے دو اوورز میں 11 رنز کے عوض دو وکٹیں حاصل کیں
ٹورنامنٹ کے چوتھے روز ایبٹ آباد کا مقابلہ کراچی بلوز سے جبکہ لاہور بلوز اور ملتان دوسرے میچ میں مدمقابل ہوں گے
