Author: newseditor

انٹر سکولز جمناسٹک چمپئن شپ پریزنٹ ٹائمز پبلک سکول اینڈ کالج نے اپنے نام کر لی

ایبٹ آباد (سپورٹس رپورٹر )انٹر سکولز جمناسٹک چمپئن شپ پریزنٹ ٹائمز پبلک سکول اینڈ کالج نے اپنے نام کر لی جبکہ آرمی پبلک نے دوسری اور ایمپریسو سکول نے تیسری پوزیشن اپنے نام کی مہمان خصوصی سابق ڈی جی سپورٹس طارق محمود نے انعامات تقسیم کئے جبکہ سیکریٹری کے پی کے جمناسٹک راجا بابا اور کوچ ڈائریکٹوریٹ آف سپورٹس کے پی کے جمناسٹک بابو گل نے ججز کے فراءض انجام دیئے

ڈویژنل اینڈ ڈسٹرکٹ جمناسٹک ایسوسی ایشن کے زیر اہتمام اور پریزنٹ ٹائمز سکول اینڈ کالج کے پرنسپل عرفان طالب اور ڈی ایس او وسیم فضل اعوان کے تعاون سے پریزنت تائم میں کھیلے جانیوالے ایونٹ میں پانچ سکولز جن میں آرمی پبلک سکول ایمپریسو سکول ینگ سکالر سکول انٹر نیشنل سکول کو ڈوبہ پریزنٹ ٹائمز پبلک سکول اینڈ کالج ایبٹ آباد نے ایونٹ میں حصہ لیا

ایونٹ میں سمر سالٹ فرنٹ وھیل بیک فلک فرنٹ رول ہینڈ سٹینڈ اور دیگر سکلز شامل تھیں ایونٹ میں پریزنٹ ٹائمز کے حامد نے بہترین کھیل پیش کیا اورپریزنٹ ٹائمز نے 25 پوائنٹ لیکر پہلی پوزیشن اپنے نام کی اعزاز علی حمزہ امان اور دیگر بچوں نے اپنی سکلز دکھا کر حاضرین کے دل جیت لئے جبکہ آرمی پبل نے 20اپوائنٹسلیکر دوسری پوزیشن اپنے نام سمیٹی اور ایمپریسو سکول نے 15 پوائنٹس لیکر تیسری پوزیشن حاصل کی

اس موقع پر طارق محمود راجا بابا اور بابو گل کا کہنا تھا کہ جمناسٹک کے کھیل کے فروغ کے لئے سکول لیول پر ایونٹ کا انعقاد بہت ضروری ہے اور ڈسٹرکٹ اور ڈویژنل جمناسٹک ایبٹ آباد کامیابی سے اس سلسلے کو جاری رکھے ہوئے ہیں اور ہم انہیں مبارکباد پیش کرتے ہیں اس موقع پر پرنسل عرفان طالب نے مہمانوں کا شکریہ ادا کیا اور سردار رضوان اور شوکت حسین نے کہا جمناسٹک کے کھیل کے فروغ کے لئے اپنی تمام تر کوششیں بروئے کار لائیں گے اور بہت جلد ایک اچھا ڈویژنل ایونٹ منعقد کراےیں گےجس میں ہزارہ ریجن کی تمام ٹی میں حصہ لیں گی

24 نومبر, 2021
پنجاب فٹبال ایسوسی ایشن نے فیفا فٹبال ہاوس این سی کے حوالے کرنے کا مطالبہ کر دیا

پنجاب فٹبال ایسوسی ایشن کے عہدیداران نے حکومت سے فیفا فٹبال ہاوس نارملائزیشن کمیٹی کو واپس کرنے کے ساتھ ساتھ این سی سے نئے الیکشن جلد کرانے کا مطالبہ کر دیا، تین سال سے ملک میں کھیلوں کی سرگرمیاں معطل ہیں جس سے نوجوان نسل کو قومی اور بین الاقوامی سطح پر کھیل کے مواقعے میسر نہیں آ رہے۔ ان خیالات کا اظہار پنجاب فٹبال ایسوسی ایشن کے نائب صدور خالد اقبال شیخ، رانا شوکت، شیخ اقبال اور راجہ اشتیاق نے لاہور میں پریس کانفرنس کرتے ہوئے کیا۔ خالد اقبال شیخ کا کہنا تھا کہ ہمارا فٹبال کی عالمی تنظیم فیفا سے بھی مطالبہ ہے کہ وہ فوری طور پر پاکستان فٹبال پر عائد پابندیوں کو ختم کرئے، کیونکہ ایسے اقدامات سے ملک میں کھیل کو بہت نقصان ہوا ہے۔ ان کا کہنا تھا کہ 2018ء سے پاکستان میں فٹبال بحران کا شکار ہے جس کی بڑی وجہ اس پر غیر جمہوری طریقے سے شب خون مارا گیا ہے۔

ان کا کہنا تھا کہ پاکستان کے ہزاروں فٹبال اور آفیشلز اس تمام صورتحال سے نہ صرف پریشان ہوئے ہیں بلکہ ان کے گھروں کے چولہے بھی ٹھنڈے ہو گئے ہیں۔ حکومت کو چاہیے کہ فیفا فٹبال ہاوس جو کہ فیفا اور اے ایف سی کی مدد سے ملک میں بنا ہے جس پر فیفا کے کروڑوں روپے خرچ ہوئے ہیں۔ فیفا فٹبال ہاوس نئے الیکشن تک نارملائزیشن کمیٹی کے سپرد کیا جائے تاکہ ملک میں فٹبال فیڈریشن کے نئے الیکشن کرائے جا سکیں۔ جب تک ایسا نہیں ہوگا ملک میں فٹبال کے الیکشن نہیں ہو سکتے۔ نائب صدر پنجاب فٹبال ایسوسی ایشن رانا شوکت کا کہنا تھا کہ پاکستان واحد ملک ہے جس پر فیفا کی جانب سے پابندی عائد ہے۔ فیفا فٹبال ہاوس کو فوری طور پر نارملائزیشن کمیٹی کے سپرد کیا جائے تاکہ الیکشن کا پراسیس شروع کیا جا سکے

نائب صدر پی ایف اے راجہ اشتیاق کا کہنا تھا کہ ہماری بھی این سی سے درخواست ہے کہ وہ آئین کے تحت فوری الیکشن کرائے، نائب صدر شیخ اقبال کا کہنا تھا کہ فیفا کی اعانت کے بغیر پاکستان میں فٹبال کا کھیل فروغ نہیں پا سکتا، 27 مارچ کو فیفا ہاوس پر قبضہ کے باعث پاکستان کی فیفا نے رکنیت معطل ہوئی ہے۔ پنجاب فٹبال ایسوسی ایشن کے نائب صدور کا کہنا تھا کہ 2022ء تک ان کے پاس آئینی اور جمہوری مینڈیٹ موجود ہے، اگر نارملائزیشن کمیٹی انتخابات کرانے کا اعلان کرتی ہے تو ہم ان کے ساتھ صاف اور شفاف الیکشن کے لیے تعاون کرینگے۔

24 نومبر, 2021
ایس ایس بی سجاس اسپورٹس فیسٹول اے کے افتتاحی روز دفاعی چیمپیئن باے آر وائی نیوز اور روزنامہ دنیا نے اپنے میچ جیت لئے

سجاس کے زیر انتظام ایس ایس بی سجاس اسپورٹس فیسٹول کا اغاز ہوگیا، سیکریٹری اسپورٹس اینڈ یوتھ افیئر اختر عنایت بھرگڑی نے افیسٹول کے پہلے مرحلے میں کھیلے جانے والے کرکٹ ٹورنامنٹ کا افتتاح کیا، اختر عنایت بھرگڑی نے میڈیا ہاؤسز کے درمیان فیسٹول کے انعقاد کو خوش آئند قرار دیتے ہوئے کہا کہ سجاس کا اقدام قابل ستائش ہے، فیسٹول کے انعقاد سے پیشہ وارانہ امور میں مصروف رہنے والے میڈیا پرسن کو بھی صحت مند سرگرمیوں میں حصہ لینے کا موقع مل رہا ہے۔

اکراچی پریس کلب کے سیکریٹری رضوان بھٹی کا کہنا تھا کہ اسپورٹس جرنلسٹس کے لئے سجاس کی خدمات سب کے سامنے ہے، مستقبل میں کراچی پریس کلب سجاس کے ساتھ مل کر اسپورٹس فیسٹول کا انعقاد کرے گا، اس موقع پر سجاس کے پیٹرن خواجہ احمد مستقیم، صدر آصف خان، سیکریٹری اصغر عظیم، سندھ اولمپک ایسوسی ایشن کے نائب صدر انجینئر محفوظ الحق، کراچی باسکٹ بال ایسوسی ایشن کے صدر غلام محمد، کے ڈی اے کے ایڈیشنل سیکریٹری ایاز منشی، محمد نسیم سمیت اسپورٹس سے وابستہ دیگر شخصیات بھی موجود تھیں۔

اصغر علی شاہ کرکٹ اسٹیڈیم میں جاری فیسٹول کے افتتاحی روز کھیلے جانے والے پہلے میچ میں دفاعی چیمپیئن اے آر وائی نیوز نے آج نیوز کو 40 رنز سے شکست دیکر اپنے اعزاز کے دفاع کا اغاز کامیابی کے ساتھ کیا، اے آر وائی نیوز کے اسکور 186 کے جواب میں آج نیوز کی اننگ 20 اور میں چھ وکٹوں کے نقصان پر 146 تک محدود رہی، فاتح ٹیم کے بابر خان 67 رنز کے ساتھ دو شکار کرنے پر میچ کے بہترین کھلاڑی قرار پائے،بابر خان نے مہمان خاص سیکریٹری کراچی پریس کلب رضوان بھٹی سے بہترین کھلاڑی کا ایوارڈ وصول کیا،

سجاس ریڈ اور روزنامہ دنیا کے درمیان کھیلے جانے والے دوسرے میچ میں روزنامہ دنیا نے بہترین کھیل کا مظاہرہ کرتے ہوئے سجاس ریڈ سے فتح چھین لی، سجاس ریڈ کے اسکور 158 رنز کے تعاقب میں تیرہویں اوور میں 79 رنز پر 7 وکٹیں گنوانے کے باوجود روزنامہ دنیا نے شاندار کم بیک کرتے ہوئے 19.4 اوور میں حدف حاصل کرکے دو وکٹوں سے کامیابی اپنے نام کرلی، فاتح ٹیم کے عبداللہ 32 گیندوں پر 66 رنز بناکر میچ کے بہترین کھلاڑی قرار پائے، سجاس ریڈ کے اوپنر شاہد انصاری کی گیارہ چوکوں سے سجی 57 گیندوں پر 78 رنز بھی ان کی ٹیم کے کام نہ آئی۔۔۔۔

24 نومبر, 2021
کھیلوں کے فروغ و ترقی کیلئے منتظمین کیساتھ صحافیوں کا کردار مسلمہ ہے، سید عاقل شاہ

پشاور(سپورٹس رپورٹر)پاکستان اولمپک ایسوسی ایشن کے سینئر نائب صدر سید عاقل شاہ نے خیبرپختونخوا اولمپک ایسوسی ایشن کی جانب سے خیبریونین آف جرنلسٹس اور خیبرپختونخوا سپورٹس رائٹرز ایسوسی ایشن کے اعزاز میں تقریب کا انعقاد کیا جس کی صدارت پی او اے کے سینئر نائب صدر سید عاقل شاہ نے کی ان کے ہمراہ صوبائی اولمپک ایسوسی ایشن کے عہدیدار جن میں ہارون ظفر ‘ چیئرمین صوبائی ٹینس ایسوسی ایشن پروفیسر ڈاکٹر محمد طاہر’ ذوالفقار بٹ’ جمناسٹک ایسوسی ایشن کے عامر صابر ایڈووکیٹ’ ریسلنگ ایسسی ایشن کے ارشد درانی ایڈووکیٹ’ تائیکوانڈو ایسوسی ایشن کے مرتضیٰ بنگش’الیاس آفریدی’محمد ندیم’خیبریونین آف جرنلسٹس یونین کے نومنتخب صدر ناصر حسین’سپورٹس رائٹرز ایسوسی ایشن کے نومنتخب صدر عاصم شیراز’جنرل سیکرٹری شاہد آفریدی ‘سابق صدر اعجاز احمد’سابق سیکرٹری عمران یوسفزئی’ارشاد خان’احتشام بشیر’عظمت اللہ ‘قادر خان سمیت دیگر صحافیوں اور سپورٹس منتظمین نے شرکت کی’۔

اس موقع پر خیبرپختونخوا اولمپک ایسوسی ایشن کے سید عاقل شاہ سمیت دیگر عہدیداروں نے خیبریونین آف جرنلسٹس کے عہدیداروں اور سپورٹس رائٹرز ایسوسی ایشن کے نومنتخب عہدیداروں کو پھولوں کے ہار پہنائے’پاکستان اولمپک ایسوسی ایشن کے سینئر نائب صدر اور سابق صوبائی وزیر کھیل سید عاقل شاہ نے اپنے خطاب میں کہا کہ کھیلوں کے فروغ و ترقی کیلئے منتظمین کیساتھ صحافیوں کا کردار مسلمہ ہے اس کی اہمیت سے انکار نہیں کیا جاسکتا انہوں نے کہا کہ کھیلوں کے فروغ و ترقی کے لئے اولمپک ایسوسی ایشن کیساتھ سپورٹس رائٹرز اور اس کیساتھ سپانسرز کی ضرورت ہے انہوں نے کہا کہ سابق ادوار میں جب خیبرپختونخوا میں امن و امان کی صورتحال بھی خراب تھی اس کے باوجود ہم نے پشاور میں نیشنل گیمز سمیت دیگر گیمز کرائیں ریسلنگ کے انٹرنیشنل مقابلے کرائے اس کے علاوہ دیگر قومی اور انٹر پراونشل گیمز کا انعقاد کرایا جو تاریخ میں سنہری حروف سے لکھا جائیگا انہوں نے کہا کہ جب تک ایونٹس نہیں ہونگے کھلاڑیوں کو آگے جانے کے مواقع نہیں مل سکتے ۔

انہوں نے کہا کہ خیبرپختونخوا اولمپک ایسوسی ایشن کا وفد جلد ہی سپورٹس رائٹرز کے نمائندوں کے ہمراہ وزیراعلیٰ محمود خان کیساتھ ملاقات کرے گا جس میں انٹرپراونشل گیمز سمیت دیگر امور پر تبادلہ خیال کیا جائیگا انہوں نے کہا کہ پاکستان اولمپک ایسوسی ایشن خیبرپختونخوا کو بین الصوبائی گیمز کی میزبانی دینے کو تیار ہے اس سلسلے میں حکومت کی اجازت اور سپورٹ کی ضرورت ہے اور اس سلسلے میں وزیراعلیٰ محمود خان کو آگاہ کیا جائے گا انہوں نے کہا کہ ہماری ہمیشہ کوشش رہی ہے کہ کھیلوں کیساتھ ساتھ کھلاڑیوں کی فلاح وبہبود کیلئے کام کیا جائے اور ہم نے اپنے ادوار میں کرکے دکھایا جس کے ثمرات آج کھلاڑی وصول کررہے ہیں’خیبریونین آف جرنلسٹس کے صدر ناصر حسین نے اپنے خطاب میں سید عاقل شاہ اور ان کی پوری ٹیم کو خراج تحسین پیش کرتے ہوئے ان کے سیاسی و کھیلوں سے وابستہ کیرئیر پر روشنی ڈالی اور ان کی دونوں میدانوں میں بہترین کارکردگی پر ان کو خراج تحسین پیش کیا اور آزادی صحافت بارے جدوجہد جاری رکھنے کا عزم دہرایا۔

24 نومبر, 2021
آل پاکستان انٹر یونیورسٹی مینز آرچری چیمپئن شپ زرعی یونیورسٹی پشاور میں شروع ہوگئی

پشاور( سپورٹس رپورٹر)ہائیر ایجوکیشن کمیشن کے زیراہتمام مردوں کی آل پاکستان انٹر یونیورسٹی آرچری چیمپئن شپ زرعی یونیورسٹی پشاور میں شروع ہوگئی،چیمپئن شپ میں ملک بھر کے 13 یونیورسٹیز کی ٹیمیں شرکت کررہی ہیں،مہمان خصوصی وائس چانسلرزرعی یونیورسٹی پروفیسر ڈاکٹر جہان بخت نے چیمپئن شپ کا باضابط افتتاح کیا۔تفصیلات کے مطابق ہائر ایجوکیشن کمیشن کے تحت پورے ملک میں مختلف یونیورسٹی کی سطح پر مرد و خواتین کے کھیلوں کے مقابلے جاری ہے جس کا انعقاد مختلف یونیورسٹی کی سطع پر کیا جارہا ہے۔اسی سلسلے میں گزشتہ روز آل پاکستان انٹر یونیورسٹی مینز آرچری چیمپئن شپزرعی یونیورسٹی پشاور میں شروع ہوگئی جس میں ملک بھر سے 13 یونیورسٹیاں شرکت کررہی ہے۔افتتاحی تقریب کے مہمان خصوصی وائس چانسلر ایگریکلچر یونیورسٹی پشاور پروفیسر ڈاکٹر جہان بخت تھے

ان کے ہمراہ ڈائریکٹر سپورٹس ایگریکلچر یونیورسٹی بلال خان مروت سمیت دیگر اہم شخصیات موجود تھیں۔وائس چانسلر جہان بخت نے ملک بھر سے آئے کھلاڑیوں اور آفیشلز کو خوش آمدید کہتے ہوئے کہا کہ ہائر ایجوکیشن کمیشن کا یہ اچھا سلسلہ ہے کہ تمام گیمز کا انعقاد مختلف یونیورسٹیوں میں کرایا جارہا ہے تاکہ تمام یونیورسٹیوں کے طلبہ اور طالبات کو کھیلوں کے یکساں مواقع فراہم کئے جا سکے۔انہوں نے کہا کہ ایگریکلچر یونیورسٹی پشاور میں بھی طلبہ کے لئے تمام کھیلوں کے مواقع موجود ہیں اور ان پر بھر پور توجہ دی جارہی ہے کیوں کھیل نصاب کا حصہ ہے جس سے طلبہ اور طالبات کی جسمانی اور ذہنی نشانما ممکن بنائی جاسکتی ہے۔

انہوں نے کہا کہ 13 یونیورسٹیوں کی ٹیموں کی شرکت ایک اہم قدم ہے جس کے لئے ایگریکلچر یونیورسٹی پشاور منجمنٹ پوری طرح اقدامات اٹھارکھے ہیں۔اخر میں انہوں نے ڈائریکٹر سپورٹس ایگریکلچر یونیورسٹی بلال خان مروت اور ان کی ٹیم کو سراہتے ہوئے کہا کہ وہ کھلاڑیوں کو ہر ممکن سہولیات فراہم کریں گے اور اس چیمپئن کے کامیاب انعقاد کو ممکن بنایا جائے گا۔ چیمپئن شپ میں یونیورسٹی آف سنٹرل پنجاب،یونیورسٹی آف ویٹرنری اینڈ اینیمل سائنسز لاہور،اسلامیہ یونیورسٹی آف بہاولپور،آئی بی اے کراچی،یونیورسٹی آف مینجمنٹ اینڈ ٹیکنالوجی لاہور،یونیورسٹی آف کراچی،یونیورسٹی آف سرگودھا،یونیورسٹی آف دی پنجاب لاہور،لاہور گریزن یونیورسٹی،سپیرئیر یونیورسٹی آف لاہور،دی یونیورسٹی آف ایگریکلچر پشاور،یونیورسٹی آف لاہور اورعبدالوالی خان یونیورسٹی مردان کی ٹیمیں شرکت کررہی ہے۔

24 نومبر, 2021
7ویں نیشنل ڈس ایبلڈ ٹی ٹوئنٹی کرکٹ چیمپئن شپ،ایبٹ آباد نے کوارٹر فائنل میں جگہ بنا لی

اسلام آباد/کراچی (اسپورٹس رپورٹر)ایبٹ آباد ڈس ایبلڈ نے راولپنڈی ڈس ایبلڈ کو شکست دے کر آئی سی آر سی پریذنٹس ایس اے ایف ساتویں نیشنل ڈس ایبلڈ ٹی20کرکٹ چیمپئن شپ کے کوارٹر فائنل کے لئے کوالیفائی کر لیا،کوارٹر فائنل میں اس کا مقابلہ آج اسلام آباد ڈس ایبلڈ سے ہوگا ۔ پاکستان فزیبلٹی ڈس ایبلڈ کرکٹ ایسوسی ایشن کے زیر انتظام جاری نیشنل چیمپئن شپ کے چوتھے مرحلے کے سلسلے میں گزشتہ روز کھیلے گئے میچ میں ایبٹ آباد ڈس ایبلڈ نے راولپنڈی ڈس ایبلڈ کو تین وکٹوں سے شکست دے کر ٹاپ ایٹ میں جگہ بنائی ۔

راولپنڈی ڈس ایبلڈ نے پہلے کھیلتے ہوئے پانچ وکٹوں پر164رنز اسکور کئے ۔ اس کی جانب سے محمد ارسلان نے 62گیندوں پر 14چوکوں اور ایک چھکے کی مدد سے87رنز بنائے جبکہ بلال عظیم نے13رنز اسکور کئے ۔ ایبٹ آباد ڈس ایبلڈ کی جانب سے محمد حسین نے 27رنز دے کر تین وکٹیں لیں ،جواب میں ایبٹ آباد نے سات وکٹوں پر ہدف حاصل کر لیا ،اس کی جانب سے عبدالسلام نے 37گیندوں پرسات چھکوں اور چھ چوکوں کی مدد سے81رنز اسکور کئے جبکہ فواد یونس نے 32اوراظہار بادشاہ نے20رنز بنائے ۔ راولپنڈی ڈس ایبلڈ کی جانب سے الطاف حسین نے تین وکٹیں لیں ۔

عبدالسلام مین آف دی میچ قرار دئے گئے ۔ دوسرے میچ میں راولپنڈی ڈس ایبلڈ پہلے کھیلتے ہوئے 110رنز پر آءوٹ ہو گئی اس کی جانب سے وجاہت دبیر نے27اور کاشف جاوید نے14رنز بنائے ۔ ایبٹ آباد کی جانب سے پذیر محمد نے 11اور راج ولی نے 24رنز دے کر تین تین جبکہ محمد حسین نے دو کھلاڑی آءوٹ ہوکئے ۔ جواب میں ایبٹ آباد ڈس ایبلڈ نے 10اوورز میں دو وکٹوں کے نقصان پر مطلوبہ اسکور بنا لیا ،فواد یونس نے 27گیندوں پرسات چوکوں اور دو چھکوں کی مدد سے 50جبکہ فیصل حیات نے 16گیندوں پر دو چوکوں اور چار چھکوں کی مدد سے 35رنز بنائے ۔ فواد یونس مین آف دی میچ رہے ۔ آج چوتھے کوارٹر فائنل میں ایبٹ آباد س ایبلڈ کا مقابلہ اسلام آباد ڈس ایبلڈ سے ہوگا ۔

24 نومبر, 2021
میچوں میں ڈھاکہ کرائوڈ نے بھرپور سپورٹ کیا، بابر اعظم

قومی کرکٹ ٹیم کے کپتان بابر اعظم نے کہا ہے کہ کورونا کے دنوں میں ہم نے اسٹیڈیم میں کراوڈ کو بہت مس کیا ، سال میں 17 ٹی ٹوئنٹی میچز میں کامیابیوں پر بہت خوش ہوں، یہ سب ٹیم کی محنت کا ثمر ہے۔بنگلا دیش میں موجود قومی کرکٹ ٹیم کے کپتان بابر اعظم نے کہاہے کہ ٹی ٹوئنٹی سیریز میں بنگلا دیش کے خلاف تینوں میچز میں ڈھاکا کے کراوڈ نے بھرپور سپورٹ کیا۔

بابر نے کہاکہ جیت کے حصول کے لیے ضروری ہے کہ پہلے اپنی خامیوں کی نشاندہی کی جائے، ہمیں فیلڈنگ اور لوئر مڈل آرڈر میں بہتری کی ضرورت تھی۔کپتان قومی کرکٹ ٹیم کاکہنا تھا کہ گزشتہ چند ماہ میں ہماری فیلڈنگ بہت بہتر ہوئی ہے، لوئر مڈل آرڈر میں بھی میچ فنش کرنے کی عادت آرہی ہے، میں بحیثیت کپتان اپنے کھلاڑیوں کو صرف ان کا رول کلیئر بتاتا ہوں۔انہوں نے کہاکہ کرکٹ ایک کھیل ہے

جہاں اچھے اور برے دن آتے رہتے ہیں،مگر ہم اپنی محنت جاری رکھیں گے۔کپتان نے کہاکہ میں اس سیریز میں توقعات کے مطابق بیٹنگ نہیں کرسکا جبکہ خوشدل شاہ، فخر زمان اور محمد نواز نے بہت اچھی کارکردگی کا مظاہرہ کیا ہے۔بابر اعظم کا مزید کہنا تھا کہ کوشش کریں گے ٹیسٹ میں بہتر کارکردگی کا تسلسل برقرار رکھیں۔

23 نومبر, 2021
کوہلر-کیڈمور اور بینٹن کی شاندار اننگز ، دکن گلیڈی ایٹرز کو بڑی فتح

دکن گلیڈی ایٹرز نے پیر کو ابوظہبی T10 میں 112 رنز کا ہدف عبور کرنے کے بعد دہلی بلزکو 9وکٹوں سے شکست دے دی۔ گلیڈی ایٹرز کے ابتدائی بلے باز ٹام کوہلر-کیڈمور (19 گیندوں پر 51*) اور ٹام بینٹن (21 گیندوں پر 44) نے 6.3 اوورز میں 100 رنز کی ابتدائی شراکت داری قائم کی۔کوہلر-کیڈمور نے عمدہ فارم کا مظاہرہ کرتے ہوئے انہوں نے تیسرے اوور میں عادل رشید کو چار چھکے مارے۔ بینٹن نے چھٹے اوور میں ڈوین براوو کو دو باو¿نڈری ماری۔ ڈومینک ڈریکس نے ساتویں اوور میں بینٹن کو آو¿ٹ کیا، تاہم، آندرے رسل آئے اور آٹھویں اوور میں ڈوین براوو کی گیند پر لگاتار دو باو¿نڈری لگا کر کامیابی حاصل کی۔

اس سے قبل، ریلی روسو اور رحمن اللہ گرباز نے دہلی بلز کے لئے دوسرے اوور میں اوڈین اسمتھ کی گیند پر دو چھکے اور ایک چوکا لگایا۔ روسو نے بیٹنگ کرتے ہوئے 3 چوکے اور 4 چھکے لگائے اور اکیلے ہی دہلی بلز کے اسکور کو 8.4 اوورز میں 101/7 تک لے گئے، وہ ٹائیمل ملز کے ہاتھوں 21 گیندوں پر 48 رنز بنا کر آو¿ٹ ہوئے۔

دکن گلیڈی ایٹرز کے لیے آندرے رسل 3/17 کے اعداد و شمار کے ساتھ بہترین باولر ثابت ہوئے۔ ویسٹ انڈین نے کپتان ڈوین براوو، ڈومینک ڈریکس اور فضل الحق فاروقی کی وکٹیں لے کر دہلی بلز کی بیٹنگ لائن اپ پر زبردست دباو¿ ڈالا۔ دکن گلیڈی ایٹرز نے آخری دو اووروں میں دو رن آو¿ٹ کیے اور دہلی بلز کو 112 کے مجموعی اسکورپر آو¿ٹ کر دیا۔

مختصر سکور: دکن گلیڈی ایٹرز 115/1
(ٹام کوہلر-کیڈمور 51*، ٹام بینٹن 44، ڈومینک ڈریکس 1-18)
نے دہلی بلز کو
112 آل آو¿ٹ سے ہرا دیا (ریلی روسو 48، شیرفین ردرفورڈ 19، آندرے رسل 3-17 سے) .

23 نومبر, 2021
آل پاکستان انٹر یونیورسٹی ویمن آرچری چیمپئن شپ پنجاب یونیورسٹی نے جیت لی

پشاور ( سپورٹس رپورٹر ) آل پاکستان انٹر یونیورسٹی ویمن آرچری چیمپئن شپ شہید بینظیر بھٹو ومن یونیورسٹی پشاور میں پروقار تقریب میں اختتام پزیر ہوگئی۔ چیمپئن شپ لاہور یونیورسٹی نے1247 پوائنٹس کے ساتھ جیت لی دوسرے نمبر پر پنچاب یونیورسٹی کی ٹیم رہی جنہوں نے1160 پوائنٹس حاصل کئے جبکہ کراچی یونیورسٹی1095 پوائنٹس کے ساتھ تیسری نمبر پر رہی ، انفرادی مقابلوں میں یونیورسٹی آف پنجاب کی سعدیہ نے سب سے زیادہ 524 پوائنٹس حاصل کئے دوسرے نمبر پر کراچی یونیورسٹی کی قرت العین رہی جن کی پوائنٹس کی تعداد 418 رہی ۔

تیسری نمبر پر یونیورسٹی آف لاہور کی نوشین نے 399 پوائنٹس حاصل کئے دو روزہ چیمپئن شپ میں ملک بھر سے 15 یونیورسٹیزکی ٹیموں نے شرکت کی اختتامی تقریب کے مہمان خصوصی سابقہ عالمی سکواش چیمپین قمر زمان تھے جنہوں نے فاتح کھلاڑیوں میں انعامات تقسیم کئے ان کے ہمراہ ڈپٹی ڈائریکٹر سپورٹس بینظیر بھٹو یونیورسٹی ماریہ سمین،اسسٹنٹ ڈائریکٹر سپورٹس روزمین ریاض، کوچ مس سلمہ فیض،پختونخواآرچری کلب کی صدر سارہ خان،والی بال ایسوسی ایشن کے سیکرٹری خالد وقار اورذکیہ حمید سمیت دیگر شخصیات موجود تھیں۔ہائیرایجوکیشن کمیشن کے زیراہتمام آل پاکستان انٹریونیورسٹی آرچری چیمپئن شپ کی اختتامی تقریب سے خطاب کرتے ہوئے سابق ورلڈ چیمپئن قمرزمان نے کہا کہ جیتنے اور ہارنے والے کھلاڑی دونوں داد کے مستحق ہے دونوں ٹیموں نے محنت کی اور فاینل سٹینڈ پر پہنچے ۔

خوشی کی بات یہ ہے ملک بھر سے آئے ہوئے کھلاڑیں نے اس چیمپین شپ میں شرکت کی انہوں نے مزید کہا کہ مختلف شہروں کے وومن یونیورسٹیوں کے طالبات کا چیمپئن شپ میں شرکت قابل تعریف ہے کیونکہ بد قسمتی سے خواتین کی کھیلوں میں دلچسپی نہ ہونے کی برابر ہے۔خواتین کو چاہئے کہ وہ اپنی ذہنی اور جسمانی نشونما کے لئے کھیلوں میں بھرپور طریقے سے شرکت کرے کیونکہ خواتین آبادی کے نصف ہے اور ایک صحت مندانہ معاشرے کے قیام میں خواتین ایک اہم کردار ادا کرسکتی ہے۔انہوں نے کہا کہ وائس چانسلر شہید بینظیر ومن یونیورسٹی پروفیسر ڈاکٹر راضیہ سلطانہ نے بھی خواتین کے کھیلوں پر کافی توجہ دی ہے جس کی وجہ سے نصاب کیساتھ ساتھ یونیورسٹی کے طالبات کھیلوں میں بھی اپنا ایک مقام رکھتی ہے۔

انہوں نے کہا کہ 15 یونیورسٹیز کی شرکت ایک خوش آئند بات ہے چیمپئن شپ کے دوران کھلاڑیوں کو تمام تر سہولیات باہم پہنچائی ۔انہوں نے سیکرٹری سپورٹس اور ڈائریکٹر یٹ سپورٹس کا بھی شکریہ ادا کیا جنہوں نے چیمپئن شپ کے کامیاب انعقاد میں اپنا کردار ادا کیا ۔چیمپئن شپ میں یونیورسٹی آف پنجاب لاہور،لاہور کالج فار وومن یونیورسٹی،بہاودین ذکریہ یونیورسٹی ملتان، دی اسلامیہ یونیورسٹی بہاولپور،لاہور گیرزن یونیورسٹی،یونیورسٹی آف مینجمنٹ & ٹیکنالوجی لاہور،یونیورسٹی آف ویٹرنری اینڈ اینیمل سائنسز لاہور،یونیورسٹی آف لاہور،انسٹیٹیوٹ آف بزنس ایڈمنسٹریشن کراچی،یونیورسٹی آف کراچی،یونیورسٹی آف صوابی،عبدالولی خان یونیورسٹی مردان،سرحد یونیورسٹی آف سائنس & انفارمیشن ٹیکنالوجی پشاور،یونیورسٹی آف سرگودھا اور میزبان شہید بینظیر بھٹو ومن یونیورسٹی پشاور کے دو سو سے زائد کھلاڑیوں نے اس چیمپئن شپ میں شرکت کی

23 نومبر, 2021
کھیلوں میں پاکستان کے شاندار ماضی کوواپس لانے کیلئے ہم سب کومشترکہ جدوجہدکرنا ہوگی ،کرنل(ر) آصف زمان

اسلام آباد (سپورٹس لنک رپورٹ)پاکستان اسپورٹس بورڈ کے ڈائریکٹر جنرل کرنل (ر) آصف زمان نے کہا ہے کہ کھیلوں میں پاکستان کے شاندار ماضی کوواپس لانے کیلئے ہم سب کومشترکہ جدوجہدکرنا ہوگی جس کیلئے ضروری ہے کہ کھیلوں کی ترقی اور فروغ کیلئے مل جل کرکاوششیں کی جائیں کھیل کے میدان سے آنے والی ہراچھی خبر پاکستان میں کھیل کی ترقی اور فروغ میں بہت معاون ثابت ہوتی ہے عالمی سطح پر ملک کاپرچم سربلند کرنے والے کھلاڑی ہمارا فخر ہیں ان خیالات کااظہارانہوں نے سعودی عرب کے شہر ریاض میں 24سے 28نومبرکھیلی جانے والی ورلڈ تائیکوانڈو ویمنزاوپن چیمپئین شپ میں شرکت کرنے والی قومی تائیکوانڈو ٹیم کے کھلاڑیوں اورآفیشلزسے ملاقات کے موقع پرکیا

پاکستان تائیکوانڈو فیڈریشن کے صدر کرنل(ر)وسیم جنجوعہ بھی اس موقع پرموجود تھے ڈی جی پی ایس بی کرنل (ر) آصف زمان کاکہنا تھا کہ ہمیں قومی تائیکوانڈو کے دستے سے اچھے نتائج کی امید ہے میری خواہش ہے کہ دیگر اسپورٹس کی طرح تائیکوانڈو کے کھیل کوبھی ملک میں بھرپورفروغ حاصل ہو اسلام آباد میں رواں ماہ کھیلی گئی چیف آف آرمی سٹاف پاکستان اوپن انٹرنیشنل تائیکوانڈو چیمپئن شپ کھیلنے کا تجربہ اس ایونٹ میں ہماری خواتین کھلاڑیوں کیلئے بہت معاون ثابت ہوگا پی ٹی ایف کے صدرر کرنل(ر)وسیم جنجوعہ کاکہنا تھا کہ انٹرنیشنل ایونٹس میں پاکستان کیلئے میڈلزجیتنے والے کھلاڑیوں کی حکومتی اور پرائیوٹ اداروں کیجانب سے حوصلہ افزائی کی جائے تومزید بہترین نتائج حاصل کئے جاسکتے ہیں

جو فیدریشن پاکستان کیلئے میڈلز لارہی ہیں ان کے ساتھ حکومت کو زیادہ تعاون کرنا چاہئے ورلڈ تائیکوانڈو ویمنزاوپن چیمپئین شپ کیلئے ہماری ایتھلیٹس نے بھرپورتیاریاں کیں ہیں کھلاڑی صرف ملک کیلئے جیت کا جذبہ ساتھ لے کرجارہے ہیں اور سو فیصد کارکردگی کا مظاہرہ کر کے وکٹری اسٹینڈ تک پہنچنے کی بھرپور کوشش کریں گے اس ایونٹ سے نہ صرف ہماری خواتین کھلاڑیوں کی عالمی رینکنگ میں مزیدبہترآئے گی بلکہ اگلے سال ہونیوالے مختلف انٹرنیشنل مقابلوں کی بہترین تیاری کاموقع ملے گا دریں اثناء ورلڈ تائیکوانڈو ویمنزاوپن چیمپئین شپ کیلئے پاکستان کا پانچ رکنی دستہ ریاض پہنچ گیا قومی ویمن تائیکوانڈو ٹیم میں نقش ہمدانی (-53کلوگرام)، نور رحمان(-57کلوگرام) اور زویا صابر (-62کلوگرام) کیٹیگری میں حصّہ لیں گی صبا شمیم مینیجر اورناجیہ رسول ٹیم کی ہیڈ کوچ ہیں

23 نومبر, 2021