لاہور قلندر مینجمنٹ ٹیم کا کوہاٹ کرکٹ اسٹیڈیم اور اسپورٹس کمپلیکس کا وزٹ
لاہور قلندر کی مکمل مینجمنٹ ٹیم نے ریجنل اسپورٹس آفیسر کوہاٹ ڈویژن انور کمال برکی کے ہمراہ کوہاٹ کرکٹ اسٹیڈیم اور کوہاٹ اسپورٹس کمپلیکس کا وزٹ کیا۔
سب سے پہلے کرکٹ اسٹیڈیم اور پچز کا تفصیلی معائنہ کیا گیا، جس پر مرد و خواتین سلیکٹرز نے اطمینان کا اظہار کیا۔ بعد ازاں اسپورٹس کمپلیکس کی دیگر سہولیات کا جائزہ لیا گیا، جہاں انتظامات کو سراہا گیا۔
یہ دورہ دراصل لاہور قلندر کے اوپن ٹرائلز کے سلسلے کی تیاریوں کا حصہ ہے، جو 10 ستمبر کو لڑکوں کے لیے اور 11 ستمبر کو لڑکیوں کے لیے کوہاٹ میں منعقد ہوں گے۔
لاہور قلندر مینجمنٹ کا کہنا تھا کہ کوہاٹ کے نوجوانوں میں بے پناہ ٹیلنٹ موجود ہے اور ان ٹرائلز کے ذریعے ابھرتے کھلاڑیوں کو بڑے پلیٹ فارم تک رسائی ملے گی۔