لاہور قلندرز کے بیٹر فخر زمان نے پی ایس ایل میں اہم سنگ میل عبور کرلیا ہے۔
فخر زمان نے لاہور قلندرز اور حیدرآباد کنگزمین کے درمیان قذافی اسٹیڈیم میں کھیلےگئے پی ایس ایل 11 کے افتتاحی میچ میں یہ کارنامہ سرانجام دیا۔
فخر زمان کے پاکستان سپر لیگ میں تین ہزار رنز مکمل ہوگئے ۔ انہوں نے پی ایس ایل کی 98 ویں اننگز میں تین ہزار رنز مکمل کیے۔
فخر زمان پی ایس ایل میں تین ہزار رنز مکمل کرنے والے دوسرے پلیئر ہیں، پشاور زلمی کے بابر اعظم 3 ہزار 792 رنز بنا کر سب سے آگے ہیں۔
واضح رہے پی ایس ایل 11 کے افتتاحی میچ میں فخر زمان نے 39 گیندوں پر 53 رنز بنائے جس میں 10 چوکے بھی شامل تھے۔
