ربادا نے کرکٹ جنوبی افریقہ کا سالانہ ایوارڈز میلہ لوٹ لیا

جوہانسبرگ(سپورٹس لنک رپورٹ) مایہ ناز جنوبی افریقی فاسٹ باؤلر کگیسو ربادا نے کرکٹ جنوبی افریقہ کا سالانہ ایوارڈز کا میلہ لوٹ لیا اور کرکٹر آف دی ایئر ایوارڈز سمیت مجموعی طور پر چھ ایوارڈز اپنے نام کیے۔سی ایس اے سالانہ ایوارڈز کی تقریب سینڈٹن میں منعقد ہوئی جس میں ایک سال کے دوران تینوں فارمیٹس میں نمایاں کارکردگی کا مظاہرہ کرنے والے کھلاڑیوں کو ایوارڈز سے نوازا گیا۔فاسٹ باؤلر ربادا تقریب میں چھائے رہے اور کرکٹر آف دی ایئر، ٹیسٹ کرکٹر آف دی ایئر، ون ڈے کرکٹر آف دی ایئر، پلیئرز پلیئر آف دی ایئر، فینز پلیئر آف دی ایئر اور ڈیلیوری آف دی ایئر ایوارڈز اپنے نام کر کے میلہ لوٹ لیا۔ربادا نے تقریب میں 6 ایوارڈز جیتے اور یہ اعزاز حاصل کرنے والے پہلے جنوبی افریقی کھلاڑی بن گئے ہیں۔حال ہی میں انٹرنیشنل کرکٹ کو خیرباد کہنے والے اسٹار بلے باز ٹی20 انٹرنیشنل کرکٹر آف دی ایئر ایوارڈ کے حقدار ٹھہرے۔آلویز اوریجنل ایوارڈ ڈیوڈ ملر کے نام رہا جبکہ ایڈن مرکرم نے انٹرنیشنل نیوکمر آف دی ایئر ایوارڈ حاصل کیا۔