پی سی بی کے تحت ریجنل اکیڈمیز پروگرام کا کل سے آغاز

لاہور(سپورٹس لنک رپورٹ)پاکستان کرکٹ بورڈ کا چھ ہفتوں کا ریجنل اکیڈمیز پروگرام کا آغاز اکیس جون سے ہو گا۔پروگرام میں ملک بھر سے سولہ ریجنز کے کھلاڑی شرکت کریں گے ۔ پی سی بی ترجمان کے مطابق ہر ریجن سے بیس کھلاڑی حصہ لیں گے جبکہ کراچی اور لاہور سے چالیس چالیس کھلاڑی ہوں گے ۔ اس پلیئرز ڈیولپمنٹ پروگرام میں نیشنل کرکٹ اکیدمی کے کوچز اور کنسلٹنٹس بھی ان کھلاڑیوں کو لیکچر دیں گے جبکہ کوچنگ سیشن بھی کریں گے ۔ پروگرام کا مقصد کھلاڑیوں کی فٹنس ، تکنیک اور ان کی ذہنی صلاحیتوں کو بڑھانا ہو گا۔