ٹی ٹوئنٹی بلے بازوں کی رینکنگ جاری،محمد رضوان 7ویں پوزیشن پر آگئے

انٹرنیشنل کرکٹ کونسل (آئی سی سی) نے ٹی ٹوئنٹی کی نئی پلیئرز رینکنگ جاری کر دی، وکٹ کیپر بیٹسمین محمد رضوان ٹاپ ٹین بیٹسمینوں میں شامل ہوکر ساتویں نمبر پر آگئے، بابر اعظم دوسرے نمبر پر ہیں ۔

پاکستان اور انگلینڈ کی ٹی ٹوئنٹی سیریز کے بعد جاری نئی پلیئرز رینکنگ میں انگلینڈ کے ڈیوڈ ملان بدستور پہلے نمبر پر موجود ہیں، جبکہ انگلینڈ کی خلاف تین ٹی ٹوئنٹی میچز میں 176 رنز بنا کر وکٹ کیپر بیٹسمین محمد رضوان نے ٹاپ ٹین میں جگہ بنا لی ہے۔رضوان نہ صرف سیریز کے ٹاپ بیٹسمین بنے بلکہ رینکنگ میں بھی گیارہویں سے ساتویں نمبر پرآگئے ہیں۔۔

Rizwan, Babar and Shaheen on the charge in T20I player rankings

More details ⬇️ https://t.co/s60FHQisFC

— PCB Media (@TheRealPCBMedia) July 21, 2021

اس کے علاوہ آسڑیلیا کے ایرون فنچ تیسرے، نیوزی لینڈ کے ڈیون کونوے چوتھے اور ویراٹ کوہلی پانچویں نمبر پر ہیں ۔بولرز میں جنوبی افریقہ کے تبریز شمسی پہلے اور افغانستان کے راشد خان دوسرے نمبر پر ہیں جبکہ کوئی پاکستانی بولر ٹاپ ٹین میں شامل نہیں ہے۔