فیصل آباد(سپورٹس لنک رپورٹ)پاکستانی کرکٹر آصف علی کی بیٹی کو آج فیصل آباد میں سپرخاک کردیا گیا۔آصف علی کی بیٹی کو کینسر کا مرض لاحق تھا اور انہیں رواں برس اپریل میں علاج کے لیے امریکا منتقل کیا گیا تھا۔ان کی بیٹی کینسر کی آخری اسٹیج پر تھی اور انتہائی کوشش اور بہترین علاج کے باوجود بھی انہیں بچایا نہیں جا سکا۔آصف علی خود بیٹی کا جسد خاکی لے کر فیصل آباد میں اپنے گھر پہنچے اور ان کی بیٹی نور فاطمہ کی نماز جنازہ میں لوگوں کی بڑی تعداد میں شرکت کی۔نماز جنازہ کے بعد جمعرات کو سمن آباد کے بڑے قبرستان میں فاطمہ کی تدفین کر دی گئی۔
