سلمان علی آغا نے ویسٹ انڈیز کو سخت حریف قرار دے دیا
لاہور: پاکستان کے ٹی 20 کرکٹ ٹیم کے کپتان سلمان علی آغا نے ویسٹ انڈیز کو سخت حریف قرار دے دیا۔
پاکستان کے ٹی 20 ٹیم کے کپتان سلمان علی آغا نے میڈیا سے گفتگو کرتے ہوئے کہا کہ ویسٹ انڈیز کے خلاف سیریز آسان نہیں۔ اور کامیابی کے لیے ہر شعبے میں اچھی پرفارمنس دینا پڑے گی۔
انہوں نے کہا کہ بہترین پلاننگ کے ساتھ میدان میں اتریں گے اور تمام میچز جیتنے کی بھرپور کوشش کریں گے۔ امریکہ میں موسم گرم ہے۔ تاہم ٹریننگ سیشن بھرپور کیے ہیں جس میں پارڈ ہٹنگ پر توجہ زیادہ رکھی ہے۔
سلمان علی آغا نے کہا کہ ایشیا کپ اور ورلڈ کپ کو سامنے رکھتے ہوئے ویسٹ انڈیز کے خلاف سیریز اہم ہے۔ جبکہ ٹی 20 میں میزبان ٹیم کی بیٹنگ کافی جارحانہ ہوتی ہے تاہم ہم نے بھی تیاری کر رکھی ہے۔
انہوں نے کہا کہ شاہین شاہ آفریدی، حارث رؤف اور حسن علی کی واپسی خوش آئند ہے۔ اس طرح سینئرز اور جونیئرز کا اچھا مجموعہ بن گیا ہے۔
واضح رہے کہ پاکستان اور ویسٹ انڈیز کے درمیان 3 ٹی 20 میچز کی سیریز کا آغاز جمعہ کو پاکستانی وقت کے مطابق صبح 5 بجے سے ہو گا۔
