ہاکی ایشیا کپ 2025 کا نیا شیڈول جاری
ایشین ہاکی فیڈریشن نے پاکستان اور عمان کی ٹورنامنٹ میں عدم شرکت کی تصدیق کے بعد ہاکی ایشیا کپ کا نیا شیڈول جاری کردیا۔
ٹورنامنٹ اب 27 اگست کی بجائے 29 اگست سے راجگیر بھارت میں شروع ہوگا،پول اے میں بھارت،جاپان،چین اور قازقستان کی ٹیمیں شامل ہیں۔
پول بی میں ملائیشیا،کوریا،چائنیز تائی پے اور بنگلا دیش کی ٹیمیں شامل ہونگی،ایشیا ہاکی کپ کا فائنل 7 ستمبر کو کھیلا جائے گا۔
واضح رہے پاکستان ہاکی فیڈریشن (پی ایچ ایف) نے حکومت کی طرف سے ملی گائیڈ لائن کے بعد ٹیم بھارت نہ بھیجنے کا فیصلہ کیا ہے۔ پاکستان ہاکی فیڈریشن نے فیصلے سے متعلق ایشین ہاکی فیڈریشن کو آگاہ کر دیا۔
پی ایچ ایف کے مطابق قومی ٹیم کھلاڑیوں کے تحفظات و سیکیورٹی کے پیش نظر بھارت میں نہیں کھیل سکتی۔
