ایشیا کپ 2025 کے چوتھے میچ میں پاکستان نے عمان کو 93 رنز سے شکست دے دی ہے۔
ٹی 20ایشیا کپ کے دبئی انٹرنیشنل کرکٹ اسٹیڈیم میں کھیلے گئے میچ میں پاکستان نے ٹاس جیت کر پہلے بیٹنگ کا فیصلہ کیا، پاکستان نے پہلے بیٹنگ کرتے ہوئے مقررہ 20 اوورز میں 7 وکٹوں کے نقصان پر 160 رنز بنائے۔
پاکستان کی جانب سے صائم ایوب اور سلمان آغا صفر پر آؤٹ ہوئے، صاحبزادہ فرحان 29، فخر زمان 23اور محمد نواز 19 رنز بنا کر نمایاں رہے، محمد حارث نے ناقابل شکست 66 رنز کی اننگز کھیلی۔
عمان کی جانب سے فیصل شاہ نے 3، محمد ندیم نے ایک اور عامر کلیم نے 3 وکٹیں حاصل کیں۔
پاکستان کی جوابی اننگز میں عمان کی پوری ٹیم 16.4 اوورز میں 67 رنز پر ڈھیر ہوگئی،پاکستان کی جانب سے شاہین شاہ آفریدی، ابرار احمد اور محمد نواز نے ایک، ایک وکٹ حاصل کی، صائم ایوب، سفیان مقیم اور فہیم اشرف نے 2،2 کھلاڑیوں کو آؤٹ کیا۔
نیپال کی جانب سے عامر کلیم 13، حماد مرزا 27 اور شکیل احمد 10 رنز بنا کر نمایاں رہے، عمان کے 8 کھلاڑی ڈبل فگر میں داخل نہ ہوسکے۔
پاکستانی اسکواڈ ; صائم ایوب، فخر زمان، سلمان علی آغا (کپتان)، ابرار احمد، فہیم اشرف، حارث رؤف، حسن علی، حسن نواز، حسین طلعت، خوشدل شاہ، محمد حارث (وکٹ کیپر)، محمد نواز، محمد وسیم جونیئر، صاحبزادہ فرحان، سلمان مرزا، شاہین شاہ آفریدی اور سفیان مقیم شامل ہیں۔
عمانی اسکواڈ ; جتندر سنگھ (کپتان)، حماد مرزا، وِنےیاک شکلا، سفیان یوسف، آشیش اوڈیڈرا، عامر کلیم، محمد ندیم، سفیان محمود، آریان بشٹ، کرن سوناوالے، ذکر یا اسلام، حسنین علی شاہ، فیصل شاہ، محمد عمران، ندیم خان، شکیل احمد اور سمی شریواستو شامل ہیں۔
پاکستان اپنا اگلا میچ 14 ستمبر کو بھارت کے خلاف کھیلے گا۔
