ورلڈ ایتھلیٹکس چیمپئن شپ میں ناقص کارکردگی: ارشد ندیم کے کوآرڈینیٹر و کوچ سے رپورٹ طلب

اتھلیٹکس فیڈریشن آف پاکستان نے ورلڈ اتھلیٹکس چیمپئن شپ میں سٹار اتھلیٹ ارشد ندیم کی مایوس کن کارکردگی پر کوآرڈینیٹر و کوچ سلمان اقبال بٹ سے تفصیلی رپورٹ طلب کرلی

لاہور ; اتھلیٹکس فیڈریشن آف پاکستان نے ورلڈ اتھلیٹکس چیمپئن شپ میں سٹار اتھلیٹ ارشد ندیم کی مایوس کن کارکردگی پر کوآرڈینیٹر و کوچ سلمان اقبال بٹ سے تفصیلی رپورٹ طلب کرلی ہے.

سٹار اتھلیٹ اولمپکس گولڈ میڈلسٹ ارشد ندیم کی ورلڈ اتھلیٹکس چیمپئن شپ میں مایوس کن کارکردگی پر اتھلیٹکس فیڈریشن آف پاکستان حرکت میں آگئی.

ارشد ندیم کی ورلڈ اتھلیٹکس چیمپئن شپ میں مایوس کن کارکردگی پر سلمان اقبال بٹ سے پانچ اکتوبرتک تفصیلی رپورٹ طلب کرلی ہے۔اتھلیٹکس فیڈریشن آف پاکستان کی طرف سے سلمان اقبال بٹ کو رپورٹ میں دس مختلف معاملات پروضاحت دینے کی ہدایت کی ہے.

سلمان اقبال بٹ سے ارشد ندیم کی ستمبر 2024 سے اگست 2025 تک ارشد ندیم کی ٹریننگ کی تفصیلات.

ٹریننگ پروگرام میں کس کس ماہر کوچ کی معاونت حاصل کی گئی ہیں ;

ان کی تفصیلات کے ساتھ ساتھ ایک سال میں ارشد ندیم کی بین الاقوامی ایونٹس میں شرکت کے حوالے سے بنائی گئی حکمت عملی کی تفصیلات بھی طلب کی گئی ہیں۔

ڈائمنڈ لیگ کے کسی بھی ایڈیشن میں ارشد ندیم کی شرکت نہ کرنے کی وضاحت۔ ایک سال غیر ملکی کوچ اور ٹرینر سے رابطوں کی تفصیلات کے علاوہ ارشد ندیم کی ہائی پرفارمنس ٹریننگ کی تفصیلات بھی طلب کی گئی ہیں ۔

سلمان بٹ سے گزشتہ ایک سال میں اتھلیٹکس فیڈریشن آف پاکستان یا کسی اور نیشنل انسٹیٹیوشن سے کوئی رابطوں کی تفصیلات ،ارشد ندیم کی صحت اور فٹنس کی

تفصیلات بھی رپورٹ میں شامل کرنے کی ہدایت کی گئی ہے۔ارشد ندیم کے طبی مسائل ان کا علاج اور بحالی پروگرام کی تفصیلات کے علاوہ ان کے مستقبل کی حکمت عملی کے ساتھ ساتھ آگے بڑھنے اور دوبارہ کامیابی کی راہ پر گامزن ہونے کے لئے تجاویز اور پلان بھی طلب کیا گیا۔

اتھلیٹکس فیڈریشن آف پاکستان نے سلمان اقبال بٹ کو پانچ اکتوبر تک اپنی تفصیلی رپورٹ تحریری طور پرجمع کروانے کی ہدایت کرتے ہوئے رپورٹ طلبی کے معاملے پر پاکستان سپورٹس بورڈ کو بھی آگاہ کردیا ہے۔