ورلڈ جونیئر رینکنگ ٹینس چیمپئن شپ،بھارتی کھلاڑی ہار برداشت نہ کرسکا

اسلام آباد(سپورٹس لنک رپورٹ)بھارتی کھلاڑی نیما آرتھیو نے ان سیڈڈ پاکستانی کھلاڑی سے شکست کے بعد زمین پر ریکٹ مار کر توڑ دیا جس پر آئی ٹی ایف میچ نے ان پر جرمانہ عائد کیا۔

اسلام آباد کے دلاور عباس ٹینس کمپلیکس میں کھیلی جانے والی آئی ٹی ایف پاکستان ورلڈ جونیئر رینکنگ ٹینس چیمپئن شپ کے دوسرے رائونڈ کے میچ میں پاکستان کے ان سیڈڈ محمد شعیب نے نمبر تین سیڈ ڈبھارتی نیما آرتھیو کو حیران کن کارکردگی کا مظاہرہ کرتے ہوئے باآسانی 6-1 اور6-2کی شکست دی جس پر نیما نے طیش میں آکر زمین پر ریکٹ مار کر توڑ دیا۔

بھارتی کھلاڑی کی حرکت پر آئی ٹی ایف کے سپروائزر نے ان پر جرمانہ عائد کردیا۔ کوالیفائر حٓذیفہ عبدالرحمان نے نمبر چھ سیڈ نعمان آفتاب کو زیر کیا۔ بوائز اور گرلز کے کوارٹر فائنل بدھ کو کھیلے جائیں گے۔

چیمپئن شپ میں یو کے، ملائشیا، بھارت، چائنیز تائی پے کے کھلاڑی شرکت کررہے ہیں۔ ٹاپ سیڈ احمد زیان نے پاکستان کے حمزہ بن ریحان کو، نمبر دو سیڈ ملائشیا کے سریشن درشن نے موسی چوہدری کو، حذیفہ عبدالرحمان نے نعمان آفتاب کو 6-3 اور 6-4 سے، چائنیز تائپے کے چینگ وائی چین نے زالان خان کو، تھائی لینڈ کے رتانن نے احمد اسجد کو، کینیڈا کے فیصل غوث نے سمیع زیب کو زیر کیا۔

بوائز ڈبلز کے پہلے رائونڈ میں محمد نعمان اور وائی میتھیو کی جوڑی نے سمیع زیب اور سبحان سالک کو، چینگ وائی اور چو وین وائی کی جوڑی نے موسی چوہدری اور زالان خان کو، گرلز ڈبلز کے کوارٹر فائنل میں ترکی کی مرت ایسیگل اور تغلوق دیمر کی جوڑی نے پاکستان کی شمزہ دراب اور بھارت کی ریارالا کو، ترکی کی اکسوسمرا اور بلجک صدف نے پاکستان کی ندا اکرم اور زارہ سلیمان کو زیر کیا۔