انڈر 19 ویمنز ٹی ٹوئنٹی : کانکررز اور اسٹرائیکرز کی کامیابی

انڈر 19 ویمنز ٹی ٹوئنٹی : کانکررز اور اسٹرائیکرز کی کامیابی

لاہور 30 اکتوبر ۔ سپورٹس لنک 

انڈر19 ویمنز ٹی ٹوئنٹی کرکٹ ٹورنامنٹ میں بدھ کے روز کھیلے گئے میچوں میں کانکررز اور اسٹرائیکرز نے کامیابی حاصل کرلی۔ ایل سی سی اے گراؤنڈ لاہور میں کھیلے گئے پہلے میچ میں کانکررز نے چیلنجرز کو 9 وکٹوں سے ہرادیا۔

چیلنجرز کی ٹیم 15 اوورز میں صرف 34 رنز بناکر آؤٹ ہوگئی۔ کوئی بھی کھلاڑی ڈبل فگرز میں نہ آسکی۔ صبیحہ نور نے 8 رنز بنائے۔ لائبہ ناصر نے عمدہ بولنگ کرتے ہوئے صرف پانچ رنز دے کر پانچ وکٹیں حاصل کیں۔

کانکررز نے ایک وکٹ کے نقصان پر ہدف حاصل کرلیا۔سمیعہ افسر 20 رنز بناکر ناٹ آؤٹ رہیں۔ لائبہ ناصر پلیئر آف دی میچ قرار پائیں۔

دوسرے میچ میں اسٹرائیکرز نے اسٹارز کو 6 وکٹوں سے ہرادیا۔

اسٹارز نے پہلے بیٹنگ کرتے ہوئے 8 وکٹوں پر 67 رنز بنائے۔ سمعیہ تاج نے 17 رنز اسکور کیے۔بریرہ سیف اور عریشہ شیخ نے دو دو وکٹیں حاصل کیں۔

اسٹرائیکرز نے مطلوبہ اسکور 4 وکٹوں پر پورا کرلیا۔ زوفیشاں ایاز 24 رنز بناکر ناٹ آؤٹ رہیں۔وہ پلیئر آف دی میچ قرار پائیں۔

مختصراسکور۔
چیلنجرز 34 رنز ( 15 اوورز ) ۔صبیحہ نور 8۔ لائبہ ناصر 5 / 5 وکٹ۔

کانکررز ۔ 37 رنز ایک کھلاڑی آؤٹ ( 3.3 اوورز ) ۔ سمیعہ افسر 20 ناٹ آؤٹ ۔

نتیجہ ۔ کانکررز نے 9 وکٹوں سے جیتا۔
—————————–
اسٹارز 67 رنز8 کھلاڑی آؤٹ ( 20 اوورز )۔ سمعیہ تاج 17۔عریشہ شیخ 11 / 2 وکٹ

اسٹرائیکرز 68 رنز 4 کھلاڑی آؤٹ ( 11.5 اوورز ) زوفیشاں ایاز 24 ناٹ آؤٹ ۔

نتیجہ اسٹرائیکرز نے 6 وکٹوں سے جیتا۔