نیشنل ٹی ٹوئنٹی کپ : لاہور وائٹس اور کراچی وائٹس کی کامیابی۔
ملتان 21 مارچ ۔ نیشنل ٹی ٹوئنٹی کپ میں لاہور وائٹس نے کراچی بلوز کو8 رنز سے شکست دے دی۔
کراچی وائٹس نے بہاولپور کو 17 رنز سے ہرادیا۔
ملتان کرکٹ اسٹیڈیم میں کراچی بلوز نے لاہور وائٹس کو ٹاس جیت کر پہلے بیٹنگ دی جس نے 20 اوورز میں 8 وکٹوں پر 146 رنز اسکور کیے۔محمد محسن نے 47 رنز اسکور کیے۔حمزہ سہیل نے 35 رنز دے کر3 وکٹیں حاصل کیں۔
کراچی بلوز جواب میں 9 وکٹوں پر 138 رنز بناسکی۔کاشف علی نے32 رنز اسکور کیے۔عبید شاہ نے 27 رنز دے کر3 وکٹیں حاصل کیں اور پلیئر آف دی میچ قرار پائے۔
اقبال اسٹیڈیم میں فیصل آباد میں بہاولپور نے ٹاس جیت کر کراچی وائٹس کو بیٹنگ دی جس نے 5 وکٹوں کے نقصان پر 182 رنز بنائے۔شان مسعود نے 3چھکوں اور 4 چوکوں کی مدد سے51 رنز اسکور کیے۔محمد فیضان نے13 رنز دے کر 3 وکٹیں حاصل کیں۔
بہاولپور کی ٹیم جواب میں 5 وکٹوں کے نقصان پر 165 رنز بنا سکی۔
فیضان ظفر نے3 چھکوں اور 4 چوکوں کی مدد سے56 رنز بنائے۔میرحمزہ نے دو وکٹیں حاصل کیں۔
شان مسعود پلیئر آف دی میچ قرار پائے۔شان مسعود نے اپنا ایوارڈ ہارون ارشد کو دے دیا جنہوں نے 44 رنز بنائے تھے۔
