پنجاب یونیورسٹی نے مرد اور خواتین کیٹیگری میں لاہور رنرز 5 کلومیٹر دوڑیں جیت لیں
لاہور: پنجاب یونیورسٹی کے ایتھلیٹس کلیم اختر اور گونیش بتول نے آج (اتوار) لاہور رنرز گروپ کے زیر اہتمام سی بی ڈی کلمہ چوک لاہور میں 5 کلومیٹر ریس میں مرد اور خواتین کی کیٹیگری میں پہلی پوزیشن حاصل کی۔
مردوں کے مقابلے میں 500 کھلاڑی شریک تھے جبکہ خواتین میں یہ تعداد 200 کے قریب تھی۔
پنجاب یونیورسٹی کے وائس چانسلر ڈاکٹر محمد علی نے اس جیت پر دونوں کھلاڑیوں اور ان کے کوچز اور ڈائریکٹر سپورٹس ڈاکٹر شبیر سرور کو مبارکباد دی ہے۔
انہوں نے اس جیت کو "بہترین” قرار دیا اور کہا کہ یہ جیت پنجاب یونیورسٹی کے کھلاڑیوں اور کوچز کی مسلسل جدوجہد، تربیت اور لگن کی وجہ سے حاصل ہوئی ہے۔
انہوں نے کہا کہ پنجاب یونیورسٹی اپنے کھلاڑیوں کو ان کی جدید ترین تربیت اور بہترین پرفارمنس کے لیے ایک سازگار ماحول فراہم کرنے کے لیے کوشاں ہے۔
یہ امر قابل ذکر ہے کہ گزشتہ سال بھی گونیش سمیت پنجاب یونیورسٹی کے کھلاڑیوں نے لاہور رنرز ایونٹ میں شاندار کارکردگی کا مظاہرہ کیا تھا۔
