ویرات کوہلی کی جنوبی افریقا کے خلاف مسلسل دوسری سنچری
بھارت کے اسٹار بیٹر ویرات کوہلی نے جنوبی افریقا کے خلاف مسلسل دوسری سنچری اسکور کرتے ہوئے اپنے ون ڈے کیریئر کی 53ویں اور مجموعی طور پر 84ویں سنچری مکمل کرلی۔
ان کی شاندار بیٹنگ کے بعد ایکس پر ویرات کوہلی کا نام ٹاپ ٹرینڈز میں سرفہرست رہا۔
رائے پور میں یہ کوہلی کی پہلی سنچری ہے، جس کے ساتھ وہ 34 مختلف وینیوز پر ون ڈے سنچری بنانے والے دنیا کے دوسرے کھلاڑی بن گئے ہیں۔
اس سے پہلے یہی اعزاز بھارت کے لیجنڈ بیٹر سچن ٹنڈولکر کے پاس تھا۔
اس فہرست میں بھارت کے روہت شرما 26 مختلف مقامات پر سنچریاں بنا کر تیسرے نمبر پر موجود ہیں، جبکہ جنوبی افریقا کے ہاشم آملہ اور اے بی ڈی ویلیئرز 21 مختلف گراونڈز پر سنچریاں بنا چکے ہیں۔
