نیوزی لینڈ کو شکست دے کر بھارت تیسری بار ٹی 20 ورلڈ کپ کا چیمپئن بن گیا
ورلڈ کپ جیت کر بھارت ٹائٹل کا دفاع کرنے والی پہلی ٹیم بن گئی
نیوزی لینڈ کو شکست دے کر بھارت ٹی 20 کا عالمی چیمپئن بن گیا
ورلڈ کپ جیت کر بھارت ٹائٹل کا دفاع کرنے والی پہلی ٹیم بن گئی
احمد آباد ; ٹی ٹوئنٹی ورلڈ کپ فائنل میں بھارت نے نیوزی لینڈ کو 96 رنز سے شکست دے کر ٹی ٹوئنٹی ٹائٹل کا کامیاب دفاع کر لیا۔ بھارتی ٹیم ہوم گراؤنڈ پر ٹی ٹوئنٹی ورلڈ کپ جیتنے والی پہلی ٹیم بن گئی۔
احمد آباد میں کھیلے گئے فائنل میں نیوزی لینڈ کی ٹیم 256 رنز کےتعاقب میں 19 اوورز میں 159 رنز بنا کر آؤٹ ہوگئی۔
کیویز کی جانب سے ٹِم سائیفرٹ 52 رنز بنا کر نمایاں رہے۔ کپتان مچل سینٹنر 43، ڈیرل مچل 17، فِن ایلن 9، جیمز نیشم 8، گلین فلپس 5، جیکب ڈفی 3، مارک چیمپین 3، رچِن رویندرا 1اور میٹ ہینری 0 کے انفرادی اسکور پر آؤٹ ہوئے۔
بھارت کی جانب سے جسپریت بمراہ نے 4 اور اکشر پٹیل نے 3 کھلاڑیوں کو آؤٹ کیا۔ ابھیشیک شرما، ہاردیک پانڈیا اور ورون چکرورتی نے 1، 1 وکٹ حاصل کی۔
اس سے قبل نیوزی لینڈ کی دعوت پر پہلے بیٹنگ کرتے ہوئے بھارت نے مقررہ اوورز میں 5 وکٹوں کے نقصان پر 255 رنز اسکور کیے۔
بھارت کی جانب سے سنجو سیمسن 89 رنز بنا کر نمایاں رہے۔ایشان کشن 54، ابھیشیک شرما 52، ہاردک پانڈیا 18 اور کپتان سوریا کمار یادو0 کے انفرادی اسکور پر آؤٹ ہوئے۔ شِیوم ڈوبے 26 اور تِلک ورما 8 رنز بنا کرناٹ آؤٹ پویلین لوٹے۔
نیوزی لینڈ کی جانب سے جیمز نیشم نے 3 کھلاڑیوں کو آؤٹ کیا۔ رچِن رویندرا نے 1 وکٹ حاصل کی۔
ورلڈکپ جیتنے والی ٹیم کو کیا انعام ملے گا؟
انٹرنیشنل کرکٹ کونسل نے (آئی سی سی) نے ٹی20 ورلڈ کپ کے لیے مجموعی طور پر ایک کروڑ 35 لاکھ ڈالر کا انعامی پول مقرر کر رکھا ہے جو سنہ 2024 کے ٹورنامنٹ کے مقابلے میں 20 فیصد زیادہ ہے۔
فاتح ٹیم کو 30 لاکھ ڈالر ملیں گے جبکہ فائنل ہارنے والی ٹیم کو 16 لاکھ ڈالر انعام کے طور پر دیے جائیں گے۔
اسی طرح سے سیمی فائنل میں ہارنے والی ٹیموں میں سے ہر ایک کو سات لاکھ 90 ہزار ڈالر ملیں گے، جبکہ سپر ایٹ مرحلے تک پہنچنے والی ٹیمیں تین لاکھ 80 ہزار ڈالر وصول کریں گی۔ گروپ مرحلے میں شامل ٹیمیں بھی کم از کم دو لاکھ 50 ہزار ڈالر کے انعام کی حقدار ہوں گی۔
انڈیا کی پلیئنگ الیون ; انڈیا کی پلیئنگ الیون میں سانجو سیمسن (وکٹ کیپر)، ابھشیک شرما، ایشان کشن، ہاردک پانڈیا، سوریا کمار یادیو (کپتان)، تلک ورما، شیوم دوبے، اکشر پٹیل، ارشدیپ سنگھ، ورون چکرورتی اور جسپریت بمراہ شامل ہیں۔
نیوزی لینڈ کی پلیئنگ الیون ; نیوزی لینڈ کی پلیئنگ الیون فن ایلن، ٹم سیفرٹ (وکٹ کیپر)، راچن رویندرا، گلین فلپس، مارک چیپمین، ڈیرل مچل، مچل سینٹنر (کپتان)، جیمز نیشم، میٹ ہینری، لوکی فرگوسن، جیکب ڈفی پر مشتمل ہے۔
