پی سی بی نے اظہر محمود کو عبوری ریڈ بال ہیڈ کوچ مقرر کر دیا
لاہور: پاکستان کرکٹ بورڈ نے قومی ٹیسٹ ٹیم کے لیے عبوری ریڈ بال ہیڈ کوچ کا تقرر کرتے ہوئے سابق ٹیسٹ آل راؤنڈر اظہر محمود کو اس ذمہ داری کے لیے منتخب کر لیا ہے۔
پاکستان کرکٹ بورڈ (پی سی بی) کی جانب سے جاری کردہ بیان کے مطابق سابق آل راؤنڈر اظہر محمود عبوری مدت کے دوران ٹیم کے ہیڈ کوچ کی حیثیت سے فرائض سرانجام دیں گے اور ان کی تقرری موجودہ معاہدے کی مدت تک محدود ہوگی۔
اظہر محمود اس سے قبل بھی پاکستان کرکٹ ٹیم کے اسسٹنٹ ہیڈ کوچ کے طور پر اپنی خدمات پیش کر چکے ہیں اور انہیں قومی ٹیم کے ڈریسنگ روم میں کام کرنے کا وسیع تجربہ حاصل ہے۔
پی سی بی کا کہنا ہے کہ اظہر محمود کا بین الاقوامی کرکٹ کا وسیع تجربہ اور ان کی کوچنگ صلاحیتیں قومی ٹیسٹ اسکواڈ کے لیے قیمتی اثاثہ ثابت ہوں گی۔
کرکٹ حلقوں کی جانب سے بھی اس فیصلے کو سراہا جا رہا ہے اور امید ظاہر کی جا رہی ہے کہ اظہر محمود کی قیادت میں پاکستان کی ریڈ بال ٹیم ایک نئے جذبے کے ساتھ میدان میں اترے گی۔
