قذافی اسٹیڈیم کے نام کے رائٹس کے لیے پیشکشیں طلب
پاکستان کرکٹ بورڈ ( پی سی بی ) نے قذافی اسٹیڈیم کے اسٹیڈیم نیمِنگ رائٹس کے حصول کے لیے خواہشمند اداروں سے باقاعدہ پیشکشیں طلب کر لی ہیں۔
پی سی بی کے مطابق دلچسپی رکھنے والے ادارے اسٹیڈیم کے نام کے رائٹس حاصل کرنے کے لیے اپنی تجاویز جمع کرا سکتے ہیں۔ درخواستیں جمع کرانے کی آخری تاریخ 24 مارچ 2026 مقرر کی گئی ہے۔
اعلامیے کے مطابق ادارے اپنی تجاویز 24 مارچ کو صبح 11 بجے تک سیل بند لفافے میں یا ای میل کے ذریعے جمع کرا سکتے ہیں۔
پاکستان کرکٹ بورڈ کا کہنا ہے کہ تمام موصول ہونے والی تجاویز اسی روز صبح 11 بج کر 30 منٹ پر پی سی بی کے دفاتر میں کھولی جائیں گی۔
