فیفا فٹبال ورلڈ کپ 2026 ; قطر اور سوئٹزرلینڈ کے درمیان مقابلہ ایک ایک گول سے برابر
فیفا ورلڈ کپ کے تیسرے روز سوئٹزرلینڈ اور قطر کے درمیان کھیلا گیا میچ ایک، ایک گول سے برابر ہوگیا، جس کے نتیجے میں قطر نے میگا ایونٹ میں پہلی بار پوائنٹ حاصل کرلیا۔
سان فرانسسکو میں ہونے والے میچ میں سوئٹزرلینڈ نے آغاز سے ہی جارحانہ کھیل پیش کیا اور متعدد مواقع پیدا کیے۔ پہلے ہاف کے 17ویں منٹ میں پنالٹی ملنے پر بریل ایمبولو نے گیند جال میں پہنچا کر سوئٹزرلینڈ کو برتری دلا دی۔
وقفے تک سوئٹزرلینڈ ایک گول سے آگے رہا، تاہم دوسرے ہاف میں قطر نے مقابلے میں واپسی کی کوششیں تیز کردیں۔
میچ کے آخری لمحات میں قطر کی مسلسل جدوجہد رنگ لائی، جب بوالم خوخی نے ہیڈ کے ذریعے شاندار گول کرکے مقابلہ برابر کردیا۔
بقیہ وقت میں دونوں ٹیمیں فیصلہ کن گول کی تلاش میں رہیں، تاہم کوئی کامیابی نہ مل سکی اور میچ ایک، ایک گول کی برابری پر ختم ہوگیا۔
