سٹیووا کا زیادہ رنز بنانے کا ریکارڈ خطرے میں پڑ گیا

سینچورین (سپورٹس لنک رپورٹ) جنوبی افریقن ٹیم کے سٹار اوپننگ بیٹسمین ہاشم آملہ کو ون ڈے انٹرنیشنل کرکٹ میں سابق آسٹریلوی کرکٹر سٹیووا کے زیادہ رنز کا ریکارڈ توڑنے کیلئے مزید 45 رنز کی ضرورت ہے، توقع ہے کہ وہ (آج) جمعہ کو بھارت کے خلاف شیڈول چھٹے اور آخری ایک روزہ میچ میں سٹیووا کا ریکارڈ توڑ دیں گے، اگر آملہ کامیاب ہو گئے تو وہ زیادہ رنز بنانے والے دنیا کے 31ویں بلے باز بن جائیں گے، سٹیووا نے 7569 جبکہ آملہ نے 7525 رنز بنا رکھے ہیں جس میں ان کی 26 شاندار سنچریاں بھی شامل ہیں۔