شاہد خان آفریدی کے بارے میں ایسی خبر آگئی کہ مداحوں کی خوشی کا ٹھکانہ نہ رہا

اسلام آباد (سپورٹس لنک رپورٹ)بوم بوم شاہد آفریدی کی ایک مرتبہ پھر انٹرنیشنل کرکٹ میں واپسی، شائقین کو زبردست خوشخبری سنا دی۔ تفصیلات کے مطابق پاکستان کے سابق کپتان اور مایہ ناز آل رائونڈر شاہد آفریدی نے انٹرنیشنل کرکٹ میں واپسی کیلئے رضامندی ظاہر کر دی ہے۔ایک انٹرویو میں ان کا کہنا تھا کہ ان کی خواہش ہے کہ انہیں لارڈز کرکٹ گرائونڈ پر ہونے والے ویسٹ انڈیز اور ریسٹ آف دی ورلڈ ٹیموں کے مابین چیئریٹی میچ میںھیلنے کا موقع دیا جائے۔ ان کا کہنا تھا کہ اگر اس میچ میں انہیں کھیلنے کی آفر کی گئی تو وہ اسے قابل غور سمجھیں گے۔ واضح رہے کہ انٹرنیشنل کرکٹ کونسل نے اس میچ کو بین الاقوامی کرکٹ کا درجہ دینے کا فیصلہ کیا ہے اور اس  سے حاصل ہونے والی آمدن ویسٹ انڈیز میں طوفان سے متاثرہ کرکٹ گرائونڈز کی بحالی میں استعمال کی جائے گی۔ واضح رہے کہ 2016میں شاہد آفریدی ٹی ٹونٹی کرکٹ سے ریٹائرمنٹ کا اعلان کر چکے ہیں۔