پشاور زلمی کے کھلاڑیوں کی عشائیہ میں کن کھانوں سے تواضع ان کا ردعمل کیا رہا؟

شارجہ (سپورٹس لنک رپورٹ)پاکستان سپر لیگ (پی ایس ایل) کی مقبول ترین فرنچائز پشاور زلمی کے اسکواڈ میں شامل غیر ملکی کھلاڑی پاکستانی کھانوں کے دیوانے نکلے۔پشاور زلمی کے چیئرمین جاوید آفریدی کی جانب سے ٹیم کے اسکواڈ کے اعزاز میں عشائیہ دیا گیا۔سابق پی ایس ایل چیمپیئن کے اسکواڈ میں موجود مہمان غیر ملکی کرکٹرز کی جاوید آفریدی کی جانب سے روایتی انداز میں مہمان نوازی کی گئی۔

جاوید آفریدی کی جانب سے دیے جانے والے عشائیے میں روایتی پاکستانی اور پشاوری کھانوں سے تواضع کی گئی۔عشائیے میں اسپیشل دم پُخت، پشاوری چپلی کباب، افغانی پلاؤ اور پشاوری کڑاہی شامل تھی۔پشاور زلمی کے تمام غیر ملکی کھلاڑیوں نے لذیذ کھانوں سے خوب لطف اٹھایا۔اس موقع پر پشاور زلمی کے کپتان ڈیرن سیمی نے اپنے خیالات کا اظہار کرتے ہوئے کہا کہ انہیں پاکستانی کھانے پسند ہیں اور وہ پشاوری کھانوں کے دیوانے ہیں۔