اولمپک گولڈ میڈلسٹ ارشد ندیم "اوپو پاکستان” کے کوالٹی ایمبیسیڈر نامزد

ارشد ندیم اوپو پاکستان کے کوالٹی ایمبیسیڈرنامزد

لاہور ; معروف عالمی سمارٹ فون برانڈ OPPOنے باضابطہ طور پر پاکستان کے فخر، اولمپک گولڈ میڈلسٹ ارشد ندیم کے ساتھ 4 سالہ شراکت داری کا اعلان کیاہے ۔

OPPO کی جانب سے لاہور میں منعقدہ پریس کانفرنس میں ارشد ندیم کو اپنا کوالٹی ایمبیسیڈر مقرر کیا گیاہے ۔ OPPOنے اپنی نئی آنے والی سیریز A3xکے لئے ارشد ندیم کے ساتھ شراکت داری کی ہے جو اپنی قیمت کے لحاظ سے اس پرائس کیٹگری میں ایک بہترین انتخاب ہے ۔

ایونٹ کے موقع پرمیڈیا سے گفتگو کرتے ہوئے اولمپک گولڈ میڈلسٹ ارشد ندیم نے کہا کہ میں OPPO کا شکریہ ادا کرنا چاہتا ہوں کہ جنہوں نے مجھے یہ شاندارموقع فراہم کیا۔ مجھے ایسے برانڈ کے ساتھ شراکت داری کرنے پر فخر ہے ۔