واپڈا، آرمی ، نیشنل وویمنز باسکٹ بال چیمپین شپ ٹاٸٹل کیلٸے مدمقابل

واپڈا، آرمی نیشنل وویمنز باسکٹ بال چیمپین شپ ٹاٸٹل کیلٸے مدمقابل

سیمی فاٸنلز میں لاہور اور کراچی کو شکست کا سامنا

دفاعی چیمپین پاکستان واپڈا اور آرمی نے لاہور اور کراچی کی ٹیموں کو شکست دیکر نیشنل وویمنز باسکٹ بال چیمپین شپ کے فیصلہ کن فاٸنل میں پہنچ گٸی ہے۔

پاکستان باسکٹ بال فیڈریشن کے زیر اہتمام واپڈا سپورٹس کمپلیکس لاہور میں جاری چیمپٸین شپ کے پہلے سیمی فاٸنل میچ میں دفاعی چیمپین واپڈا نے اپنی کامیابیوں کا سفر جاری رکھتے ہوٸے لاہور کو 33کے مقابلے میں 65پواٸنٹس سے شکست دی۔

واپڈا کی حجاب فاطمہ نے 24 کاٸنات ظفر نے13 پواٸنٹس جبکہ لاہور کی طرف سے ایمن محمود نے 10پواٸنٹس سکور کٸے۔ سیمی فاٸنل میچ کو ریفریز عمر محمود، گل جمال، پریم شہزاد نے سپرواٸز کیا۔

دوسرے سیمی فاٸنل میں آرمی نے اپنے اٹیکنگ کھیل اور ہاف ٹاٸم تک 38پواٸنٹس کی سبقت کی بدولت کراچی کیخلاف 19کے مقابلے میں 59 پواٸنٹس سے جیت اپنے نام کی۔

آرمی کیلٸے سے عاٸشہ دلشاد نے 20، زوبیہ شہناز نے 10 پواٸنٹس سکور کرتے ہوے جیت میں کلیدی کردار ادا کیا۔دوسرے سیمی فاٸنل میچ کو ریفریز یاسر غفور، عدیل رضا، محمد عمر نے سپرواٸز کروایا واپڈا اور آرمی کے درمیان فیصلہ کن معرکہ 30 دسمبر (پیر)کو کھیلا جاٸیگا۔