ہانگ کانگ سکسز: پاکستان نے دوسرے کوارٹر فائنل میں جنوبی افریقا کو 5 وکٹوں سے ہرادیا
ہانگ کانگ سکسز کے دوسرے کوارٹر فائنل میں پاکستان نے شاندار کارکردگی دکھاتے ہوئے جنوبی افریقا کو 5 وکٹوں سے شکست دے دی۔
پاکستانی کپتان عباس آفریدی نے ٹاس جیت کر پہلے بولنگ کا فیصلہ کیا جس کے جواب میں جنوبی افریقی ٹیم نے 6 اوورز میں 3 وکٹوں کے نقصان پر 102 رنز اسکور کیے۔
اس اننگز میں جُورک وین نے 40 رنز بنائے جبکہ یَتھن جان اور بلکی سمجمن بالترتیب 29 اور 26 رنز کے ساتھ ناٹ آؤٹ رہے۔ پاکستان کی جانب سے محمد شہزاد نے عمدہ بولنگ کرتے ہوئے 3 کھلاڑیوں کو آؤٹ کیا۔
ہدف کے تعاقب میں پاکستان نے جارحانہ بیٹنگ کا مظاہرہ کرتے ہوئے 3.5 اوورز میں صرف ایک وکٹ کے نقصان پر 105 رنز بناکر میچ اپنے نام کیا۔ اوپنر عبدالصمد نے 10 گیندوں پر 6 چھکوں کی مدد سے 50 رنز کی دھواں دار اننگز کھیلی اور نمایاں رہے۔
وکٹ کیپر بیٹر خواجہ نافع نے 36 رنز بنائے جبکہ کپتان عباس آفریدی نے دو گیندوں پر دو چھکوں کی مدد سے 12 رنز اسکور کیے اور پاکستان نے با آسانی میچ جیت کر سیمی فائنل میں رسائی حاصل کرلی۔
