قطر میں فیفا انڈر 17 ورلڈ کپ: پہلی بار پی ایف ایف وفد سرکاری مبصرین کے طور پر شریک
قطر میں فیفا انڈر 17 ورلڈ کپ: پہلی بار پی ایف ایف وفد سرکاری مبصرین کے طور پر شریک
قطر : پاکستان فٹبال فیڈریشن (PFF) کا تین رکنی وفد پہلی مرتبہ فیفا انڈر 17 ورلڈ کپ، قطر میں سرکاری مبصرین کے طور پر شریک ہوا، جہاں انہیں بڑے فیفا ایونٹ کے انتظامی و عملی پہلوؤں پر خصوصی تربیت دی گئی۔
وفد میں ڈائریکٹر آپریشنز اسام سنّی، ڈائریکٹر ایچ آر و ایڈمن عزیز ملک اور مارکیٹنگ منیجر احمد ہشمت شامل تھے،
جنہوں نے تین روزہ خصوصی پروگرام میں فیفا اور مقامی آرگنائزنگ کمیٹی کے مختلف شعبوں کے ساتھ عملی مشاہدہ کیا۔ انہیں ٹیم سروسز، کمرشل رائٹس، براڈکاسٹ، ٹرانسپورٹ، سکیورٹی، وینیو مینجمنٹ، سیف گارڈنگ، ٹریننگ لاجسٹکس اور رضاکارانہ امور پر بریفنگ دی گئی۔
احمد ہشمت نے کہا کہ قطر کا ایک ہی دن میں چار بین الاقوامی میچز کرانا قابلِ دید تھا اور اس سے بڑے ایونٹس کے نظم و نسق کو سمجھنے میں مدد ملی۔ اسام سنّی اور عزیز ملک نے اسے پاکستان میں فٹبال انتظامی نظام بہتر بنانے کی جانب ایک اہم قدم قرار دیا۔
یہ پیش رفت پی ایف ایف کے صدر سید محسن گیلانی کی کوششوں کا حصہ ہے، جو ادارہ جاتی صلاحیت بڑھانے پر بھرپور توجہ دے رہے ہیں۔
