ٹیم پاکستان کے 20 ستمبر کے ایشین گیمز مقابلوں کے نتائج جاری
ایچی ناگویا، جاپان (پی پی اے) 20ویں ایشین گیمز ایچی ناگویا 2026 میں 20 ستمبر کو ٹیم پاکستان کے کھلاڑیوں نے مختلف کھیلوں میں حصہ لیا، جس کے نتائج کے مطابق پاکستان ہاکی ٹیم نے تھائی لینڈ کو 9-0 سے شکست دی
جبکہ عاصم خان نے ایم ایم اے کے 60 کلوگرام جدید مقابلے کے کوارٹر فائنل میں اردن کے محمود ابابنہ کو 3-0 سے ہرا کر سیمی فائنل کے لیے کوالیفائی کرلیا خواتین کی کرکٹ ٹیم کو سیمی فائنل میں سری لنکا کے ہاتھوں شکست کا سامنا کرنا پڑا۔
ٹیبل ٹینس میں پاکستان کی خواتین ٹیم کو سنگاپور اور انڈونیشیا جبکہ مردوں کی ٹیم کو ایران اور انڈونیشیا کے خلاف 0-3 سے شکست ہوئی وشو کے مقابلوں میں کومل ایمانوئل خواتین کے تائی جی کوان اور تائی جی جیان ایونٹ میں مکمل نہ کر سکیں،
جبکہ صدام حسین اور زائب حسنین کو بالترتیب 70 اور 75 کلوگرام کے ابتدائی مرحلے میں 0-2 سے شکست ہوئی تیراکی میں حمزہ آصف نے مردوں کی 100 میٹر فری اسٹائل کی دوسری ہیٹ میں دوسری پوزیشن حاصل کی،
ان کا وقت 53.97 سیکنڈ رہا اور مجموعی طور پر 35ویں پوزیشن حاصل کی۔ خواتین کی 50 میٹر بریسٹ اسٹروک میں مشعال عائشہ حیات ایوب نے 37.02 سیکنڈ کے وقت کے ساتھ مجموعی طور پر 24ویں،
جبکہ حریم ملک نے 36.52 سیکنڈ کے وقت کے ساتھ مجموعی طور پر 22ویں پوزیشن حاصل کی تیر اندازی کے بجائے ٹریاتھلون کے مقابلوں میں علی حسن محید صادق لون اور ثنا عارف نے پاکستان کی نمائندگی کی،
تاہم نتائج میں تینوں کے سامنے ’’لیپ‘‘ درج ہے ٹیم پاکستان کے لیے 20 ستمبر کا نمایاں نتیجہ ہاکی میں سامنے آیا جہاں قومی ٹیم نے تھائی لینڈ کے خلاف پول بی کے میچ میں شاندار کارکردگی کا مظاہرہ کرتے ہوئے 9-0 سے کامیابی حاصل کی
