ڈیرین سیمی نے ثناءبچہ کیساتھ ایسی تصویر سوشل میڈیا پر اپ لوڈ کر دی کہ ہنگامہ برپا ہو گیا

اسلام آباد (سپورٹس لنک رپورٹ)پاکستان سپر لیگ کی ٹیم پشاور زلمی کے کپتان ڈیرن سیمی پاکستان میں نہ صرف ہر دلعزیز شخصیت ہیں بلکہ پاکستانی انہیں پاکستان کا محسن بھی تصور کرتے ہیں کیونکہ پی ایس ایل کے سیکنڈ ایڈیشن کے دوران جب غیر ملکی کھلاڑیوں نے پاکستان آکر فائنل کھیلنے سے انکار کر دیا تھا تو یہ ڈیرن سیمی ہی تھے جنہوں نے نہ صرف غیر ملکی کھلاڑیوں کوپاکستان آنے کیلئے منایا بلکہ وہ خود بھی پوری آب و تاب کے ساتھ پاکستان آئے اور سیکنڈ ایڈیشن کے فائنل میں پشاور زلمی کو جتوا کر پاکستان کی کرکٹ تاریخ میں امر ہو گئے۔ پشاور زلمی نے اپنی گڈ ول برینڈ ایمبیسڈر کے طور پر جیو نیوز کی سابقہ معروف خاتون اینکر ثنا بچہ کو مقرر کیا ہوا ہے ، ثنا بچہ شوبز سے وابستہ ہو چکی ہیں اور اب خبر یہ ہے کہ ڈیرن سیمی اور ثنا بچہ کے درمیان ملاقات کی ایک تصویر سماجی رابطوں کی ویب سائٹ پر وائرل ہو رہی ہے جس میں دیکھا جا سکتا ہے کہ ثنا بچہ نہایت بولڈ لباس میں ڈیرن سیمی کے ساتھ تقریباََ چپکی ہوئی کھڑی ہیں جسے دیکھ کر سوشل میڈیا صارفین شدید برہم ہو گئے ہیں اور انہوں نے ثنا بچہ کو شدید تنقید کا نشانہ بنانا شروع کر دیا ہے۔ سوشل میڈیا صارفین کی جانب سے تصویر پر تبصروں کا سلسلہ جاری ہے ۔ سوشل میڈیا صارف فہد قریشی نے اپنے ٹویٹر پیغام میں ڈیرن سیمی اور ثنا بچہ کی تصویر پر تبصرہ کرتے ہوئے کہا ہے کہ یہ خاتون بھول گئی ہے کہ یہ مسلمان ہے۔ دیکھو یہ کیسے ایک غیر مسلم کیساتھ کھڑی ہے، تمہیں شرم آنی چاہئے ثناءبچہ“۔ ندا امتنان کا کہنا تھا کہ ”یہ حالات رہے تو انشاءاللہ بہت جلد عذاب ہمارا منتظر ہو گا“۔ فیضان احمد عباسی نے لکھا ”معاف کرنا پاکستان۔۔۔!! میں یہ تصویر دیکھ کر بہت شرمسار ہوں۔۔۔ یہ ہے اسلامی جمہوریہ پاکستان۔۔۔ معاف کرنا میرے پاس کوئی الفاظ نہیں ہیں۔محمد جنید نے لکھا ”ثناءبچہ درمیانمیں فاصلہ رکھو کیونکہ تم ایک پاکستانی اور مسلمان ہو، اپنی ثقافت مت بھولو“۔