پشاور کے عادل خان سوئمنگ پول میں چودہ اگست کے حوالے سے مقابلوں کاانعقاد.

پشاور کے عادل خان سوئمنگ پول میں چودہ اگست کے حوالے سے مقابلوں کاانعقاد

مسرت اللہ جان

تیراکی اور آبی مہارتوں اور کھیلوں کی مہارت کے ایک متحرک مظاہرے میں صوبائی سپورٹس ڈائریکٹریٹ خیبر پختونخواہ نے پشاور سپورٹس کمپلیکس کے عادل خان سوئمنگ پول میں یوم آزادی کی مناسبت سے مقابلے کا انعقاد کیا۔جس میں ڈائریکٹر جنرل سپورٹس خیبر پختونخواہ خالد محمود بھی شریک ہوئے. گیارہ مختلف کیٹگریز میں بچوں کے تیراکی کے مقابلوں کا انعقاد کیاگیا جس میں کم عمر تیراکوں نے بڑی دلچسپی کا مظاہرہ کیا اور تیراکی کے مقابلوں میں اپنی مہارت پیش کی.

بچوں کے تیراکی کے مقابلوں نے گیارہ کیٹگریز کے مقابلے منعقد کروائے گئے بچوں کے والدین بھی اس موقع پر موجود تھے -اس مقابلے میں ڈی جی سپورٹس کے بیٹے بھی شریک ہوئے جنہوں نے مقابلے میں حصہ لیا اور ڈی جی سپورٹس پرجوش انداز میں ” شابہ ھلکہ” چیخ مار کر بیٹے کو سپورٹ کرتے رہے. اس موقع پر انہوں نے اپنے بیٹے کے کوچ کو سوئمنگ کے حوالے سے ہدایات بھی دی

ڈائریکٹر جنرل سپورٹس خیبرپختونخوا نے مقابلے کے دوران اپنے بیٹے عظمت کو پکارا ور کارکردگی بہتر کرنے پر زور دیا جو نوجوان ٹیلنٹ کی حوصلہ افزائی کے مقصد کے اتحاد کی علامت ہے۔ انہوں نے مقابلوں میں نمایاں پوزیشن حاصل کرنے والوں میں انعامات تقسیمکئے,تیراکی کے سالانہ مقابلے، جو اسپورٹس ڈائریکٹوریٹ کے ماہر انتظام کے تحت منعقد کیے جاتے ہیں، تعمیری اور مثبت سرگرمیوں کے لیے ایک موقع فراہم کرنے کے عزم کو اجاگر کرتے ہیں۔

اس موقع پر خطاب کرتے ہوئے ڈائریکٹر جنرل سپورٹس خیبر پختونخوا نے صحت مندانہ ماحول کی پرورش کی اہمیت پر زور دیا انہوں نے کھیلوں کی سرگرمیوں کی رفتار کو برقرار رکھنے کے لیے اپنی لگن کا اعادہ کیا، اس بات پر زور دیتے ہوئے کہ مختلف کھیلوں کے لیے وضع کردہ رہنما اصولوں پر تندہی سے عمل کیا جائے گا۔میڈیا کے اہم کردار کو سراہتے ہوئے ڈائریکٹر جنرل سپورٹس نے کھیلوں کے مقابلوں کی کوریج سے پیدا ہونے والے مثبت اثرات کو تسلیم کیا۔ کھیلوں کی سرگرمیوں کی متحرک تصویر کشی میں میڈیا کا کردار شرکاء اور تماشائیوں دونوں کو یکساں طور پر متاثر کرنے میں معاون ہے۔