پرائم منسٹر ٹیلنٹ ہنٹ یوتھ بیڈ منٹن اسپورٹس لیگ کے ٹرائلز کا دوسرا مرحلہ حیدرآباد میں شروع .

 

 

پرائم منسٹر ٹیلنٹ ہنٹ یوتھ بیڈ منٹن اسپورٹس لیگ کے ٹرائلز کا دوسرا مرحلہ حیدرآباد میں شروع ہو گئے ہیں۔ ڈائریکٹر اسپورٹس اقرا ڈاکٹر شیراز الحسن موہانی

 

پہلے روز۲۵۰ سے زائد بوائز اور گرلز کی ٹرائلز میں بھر پور شرکت، متعدد کھلاڑی شارٹ لسٹ۔ڈائریکٹر اسپورٹسHEC جاوید علی میمن

 

ڈسٹرکٹ اسپورٹس آفیسرحیدرآباد مریم کیریو اور ڈاکٹر شاھ زمان خان ہیڈ آف دی ڈیپارٹمنٹ فزیکل ایجوکیشن سکھر آئی بی اے نے حیدرآباد میں ٹرائلزکا افتتاح کیا۔

 

 

حیدرآباد (اسپورٹس رپورٹر) پرائم منسٹر پروگرام یوتھ اسپورٹس کے تحت ایچ ای سی،آئی بی اے سکھراور اقرا یونیورسٹی کے زیر انتظام یوتھ اسپورٹس لیگ کے سلسلے میں سندھ کی بوائز اور گرلز بیڈ منٹن ٹیموں کی تشکیل کیلئے دوروزہ ٹرائلز حیدرآباد میں شروع ہو گئے۔سندھ اسپورٹس بورڈ حیدرآباد کے جمنازیم میں منعقدہ

 

افتتاحی تقریب کے مہمان خصوصی ڈسٹرکٹ اسپورٹس آفیسرحیدرآباد مریم کیریو تھی۔ اس موقع پر ڈاکٹر شاھ زمان خان ہیڈ آف دا ڈیپارٹمنٹ فزیکل ایجوکیشن سکھر آئی بی اے،ایونٹ آرگنائزر اسد حسین شیخ ڈپٹی ڈاریکٹر سکھر آئی بی اے {مین}، فرقان رضا مینیجراسپورٹس اقراء یونیورسٹی کراچی {وومن}، فیضان شیخ کوآرڈینیٹر حیدرآباد {ڈپی پی ای}، انور بھٹی ڈسٹرکٹ اسپورٹس آفیسراور کھیلوں سے وابستہ شخصیات کی کثیر تعداد موجود تھی۔

 

جن میں ڈائرکٹرز فیزکل ایجوکیشن ارشد آرائیں، مس زینب، مس بشریِ، یاسین شیخ، محمد امین، حسن آرائیں،ڈسٹرکٹ اسپورٹس آفیسر حیدرآباد مریم کیریو صاحبہ نےاپنے خطاب میں پرائم منسٹر یوتھ ٹیلنٹ ہنٹ اسپورٹس پروگرام پورے ملک میں کامیابی سے منعقد ہونے پر خوشی کا اظہار کیا اور کہا کہ منسٹر اسپورٹس جنید شاھ صاحب اورسیکریٹری اسپورٹس کی کاوش کو صراحتے ہوئے کہا کہ ان دونوں شخصیات کی وجہ سے حیدرآباد کلب کے دروازے عام عوام کے لئے بھی طویل عرصے کے بعد کھول دئے گئے ہیں

اور ایسی کھیلوں کی سرگرمیاں سندھ اسپورٹس بورڈ میں جاری رہیں گی. اس پروگرام سے ملک بھر میں تمام کھیلوں کے با صلاحیت کھلاڑیوں کی بڑی تعداد مل رہی ہے جو آگے چل کر نا صرف اپنے تعلیمی اداروں بلکہ ملک کا نام بھی روشن کریں گے۔ ڈاکٹر شاھ زمان خان ہیڈ آف دا ڈیپارٹمنٹ فزیکل ایجوکیشن سکھر آئی بی اے کا کہنا تھا کہ ایچ ای سی کے اس پلیٹ فارم سے سندھ اور ملک بھر میں گراس روٹ لیول پر بیڈ منٹن کھلاڑیوں کو فروٖ غ ملے گا۔

انہوں ٹرائلز کے لئے آنے والے بوائز اورگرلز کو نصیحت کی کہ وہ محنت پر یقین رکھیں کامیابی آپ کا مقدر بنے گی۔آرگنائزنگ سیکریٹری اورمینیجر اسپورٹس اقراء یونیورسٹی فرقان رضا کا کہنا تھا کہ یقینی طور پر ایچ ای سی کے اس پروگرام سے نیا ٹیلنٹ سامنے آئے گا اور ٹرائلز کو منظم انداز میں کرایا گیا۔

ٹرائلز کے لئے آنے والے نوجوان کھلاڑیون کوسینئر ز نے بھر پور رہنمائی فراہم کی،ٹرائلزدوسرے روز بھی جاری رہیں گے۔واضح رہے کہ حیدرآباد کے بعد شہید بے نظیر آباد،سکھر اور لاڑکانہ ریجن میں بھی ٹرائلز لئے جائیں گے،

پانچوں ریجن میں ٹرائلز مکمل ہونے کے بعد ٹیمیں تشکیل دی جائیں گی اور ان کے درمیان لیگ کی بنیاد پر میچز منعقد کئے جائیں گے جس کے بعد فاتح ٹیم نیشنل بیڈ منٹن لیگ میں شرکت کرے گی۔