پاکستان اسکول اسپورٹس آرگنائزیشن کے زیرِ اہتمام رسہ کشی کے شاندار مقابلے

الفا کالج، وہاج حسین اور خاتونِ پاکستان کی فتح:

پاکستان اسکول اسپورٹس آرگنائزیشن کے تحت رسہ کشی کے شاندار مقابلے

24 ٹیموں کی شرکت: محمد صدیق میمن سپورٹس کمپلیکس میں طاقت اور جارحانہ کھیل کا شاندار مظاہرہ

کراچی(اسپورٹس لنک رپورٹ) پاکستان اسکول اسپورٹس آرگنائزیشن کے زیرِ اہتمام محمد صدیق میمن سپورٹس کمپلیکس میں ہونے والے رسہ کشی کے مقابلے شاندار جوش و خروش کے ساتھ اختتام پذیر ہوئے۔

اس ایونٹ میں کل 24 ٹیموں نے شرکت کی اور ہر ٹیم نے اپنی بہترین صلاحیتوں کا مظاہرہ کیا۔ ان مقابلوں میں کھلاڑیوں نے نہ صرف اپنی طاقت اور زور کا بھرپور استعمال کیا بلکہ جارحانہ کھیل کی بہترین مثالیں پیش کیں۔

انڈر 19 بوائز کی کیٹیگری میں الفا کالج نے شاندار کارکردگی دکھاتے ہوئے وہیلز کالج کو شکست دے کر ٹائٹل اپنے نام کیا۔ انڈر 17 بوائز کے مقابلے میں وہاج حسین اسکول نے زبردست مقابلے کے بعد دی لیب کو مات دے کر فتح حاصل کی۔

دوسری جانب انڈر 17 گرلز کیٹیگری میں خاتونِ پاکستان نے الفا ہائی اسکول کو چِت کرکے فتح کا تاج اپنے سر پر سجایا۔

تقریب کی سربراہی گوہر رضا نے کی، جبکہ ایسوسی ایشن کے عہدیداران نے فائنل مقابلوں کا کامیاب انعقاد کیا۔ ایونٹ میں شرکت کرنے والی ٹیموں نے اپنی مہارت اور طاقت کا بھرپور مظاہرہ کیا، اور حاضرین نے بھی کھلاڑیوں کی کارکردگی کو سراہا۔