لاہور(سپورٹس لنک رپورٹ)سابق قومی کپتان سلیم ملک آئی سی سی کے ٹرانسکرپٹ کا جواب آج پی سی بی کے انسداد بدعنوانی یونٹ میں جمع کرائیں گے۔ذرائع کے مطابق سلیم ملک نے ایک مرتبہ پھر کوشش کرتے ہوئے ٹرانسکرپٹ میں پوچھے گئے تمام تر سوالات کا تفصیلی جواب تیار کیا ہے
اور مختلف پہلوؤں پر روشنی ڈالی ہے کیونکہ اس سے قبل پی سی بی اینٹی کرپشن یونٹ نے سلیم ملک کے ابتدائی جواب کو ناکافی قرار دیتے ہوئے کہا تھا کہ سابق کپتان میچ فکسنگ سے متعلق سوالات کے جوابات دیں کیونکہ ان کا جواب دینے سے گریز ان کے اعتراف کو تبدیل نہیں کر سکتا۔واضح رہے کہ سلیم ملک آئی سی سی کی جانب سے کلیئر ہو کر کوچنگ کے شعبے میں طبع آزمائی کرنا چاہتے ہیں۔
