منی فٹبال ورلڈ کپ کیا ہے؟کہاں منعقد ہوگا،کتنی ٹیمیں شامل؟تفصیلات آگئیں

لزبن( سپورٹس لنک رپورٹ)منی ورلڈ کپ فٹ بال ٹورنامنٹ پرتگال کے شہر لزبن میں ہوگا جس میں دنیا کے 51 سے زائد ممالک شرکت کریں گے جس میں فائیو، سکس اور سیون اے سائیڈ فارمیٹ کے تحت مقابلے ہوں گے۔

ورلڈ ساکا فیڈریشن کے زیراہتمام ہونے والے8 فروری کو انگلینڈ کے شہر برمنگھم میں ہونے والی اہم پریس کانفرنس میں پرتگال، انگلینڈ، جرمنی، اسپین، پولینڈ، روس، ترکی، یونان اور دیگر ممالک کے نمائندے شرکت کریں گے۔

جس میں منی ورلڈ کپ کی تمام تفصیلات اور پاکستان سمیت دنیا کے مختلف ممالک میں ساکا فیڈریشن کے عہدیداروں کا انتخاب عمل میں آئے گا۔

ذرائع کے مطابق ورلڈ ساکا کا اجلاس آئندہ ماہ پاکستان میں بھی متوقع ہے جس میں فیڈریشن کیلئے عہدیداروں کا انتخاب کیا جائے گا۔