کرسٹیانو رونالڈو کا ریٹائرمنٹ سے متعلق بڑا اعلان، فٹبال کی دنیا میں ہلچل مچ گئی
دنیا کے عظیم ترین فٹبالرز میں شمار ہونے والے کرسٹیانو رونالڈو نے اپنے مستقبل کے حوالے سے ایسا اشارہ دے دیا ہے جس نے فٹبال کی دنیا میں ہلچل مچا دی۔
41 سالہ پرتگالی سپر اسٹار کے مطابق ممکنہ طور پر یہ فٹبال میں ان کا آخری سال ہوسکتا ہے۔یعنی وہ وقت قریب آچکا ہے جب فٹبال کے میدان میں رونالڈو کو آخری مرتبہ ایکشن میں دیکھا جاسکتا ہے۔
فٹبال کی دنیا کے عظیم ترین کھلاڑیوں میں شمار ہونے والے پرتگالی اسٹار کرسٹیانو رونالڈو نے ریٹائرمنٹ کے حوالے سے بڑا اشارہ دے دیا ہے۔ 41 سالہ رونالڈو نے ووگ کو دیے گئے ایک انٹرویو میں کہا کہ ممکنہ طور پر یہ فٹبال میں ان کا آخری سال ہو، تاہم انہوں نے ریٹائرمنٹ کی حتمی تاریخ کا اعلان نہیں کیا۔
پرتگالی اسٹار نے ووگ میگزین کو دیے گئے انٹرویو میں کہا کہ ممکنہ طور پر یہ فٹبال میں ان کا آخری سال ہے اور وہ کھیل سے رخصت ہوتے ہوئے ایک شاندار میراث چھوڑنا چاہتے ہیں۔رونالڈو نے بتایا کہ انہوں نے فٹبال کے بعد اپنی زندگی کے حوالے سے منصوبہ بندی کر رکھی ہے۔
ان کے مطابق کھیل سے دوری کے بعد وہ اپنے وقت کو مختلف سرگرمیوں میں مصروف رکھنا چاہتے ہیں، جن میں زیادہ سفر کرنا، خاندان کے ساتھ وقت گزارنا اور پیڈل کھیلنا بھی شامل ہے۔
پرتگالی اسٹار کا کہنا تھا کہ فٹبال ان کی زندگی کا بہت بڑا حصہ رہا ہے اور گزشتہ 25 سال کا سفر بے شمار قربانیوں پر مشتمل تھا، اس لیے وہ اب اپنی حاصل کردہ کامیابیوں سے لطف اندوز ہونا چاہتے ہیں۔
41 سالہ رونالڈو کا شمار فٹبال کی تاریخ کے کامیاب ترین کھلاڑیوں میں ہوتا ہے۔ انہوں نے اپنے کیریئر کا آغاز اسپورٹنگ لزبن سے کیا، جس کے بعد مانچسٹر یونائیٹڈ، ریئل میڈرڈ، یووینٹس اور سعودی کلب النصر کی نمائندگی کی۔
رونالڈو نے اپنے کیریئر میں 5 مرتبہ بیلن ڈی اور ایوارڈ جیتا، انگلینڈ، اسپین، اٹلی اور سعودی عرب میں لیگ ٹائٹلز اپنے نام کیے اور پرتگال کے ساتھ بھی اہم بین الاقوامی کامیابیاں حاصل کیں۔
کلب اور ملک کے لیے رونالڈو اب تک 976 گولز اسکور کرچکے ہیں اور تاریخی 1000 گولز کے سنگِ میل سے صرف 24 گول دور ہیں۔رونالڈو اس وقت سعودی پرو لیگ کے کلب النصر کا حصہ ہیں اور ان کا معاہدہ 2027 تک برقرار ہے،
تاہم ان کے تازہ بیان سے عندیہ ملتا ہے کہ موجودہ سیزن ممکنہ طور پر ان کے شاندار فٹبال کیریئر کا آخری باب ہوسکتا ہے۔رونالڈو کی حالیہ ذاتی زندگی میں بھی بڑی تبدیلی آئی ہے۔
انہوں نے 11 اگست کو پرتگال کے شہر کاسکائس میں اپنی دیرینہ ساتھی جارجینا روڈریگز کے ساتھ ایک نجی تقریب میں شادی کی، جس میں ان کے پانچ بچے بھی شریک تھے۔دوسری جانب رونالڈو کے سامنے ریٹائرمنٹ سے قبل ایک اور تاریخی ہدف موجود ہے،
اور وہ ہے 1000 کیریئر گولز مکمل کرنا۔ اگر وہ یہ سنگِ میل عبور کرلیتے ہیں تو ممکنہ طور پر ان کے آخری سیزن کا اختتام فٹبال کی تاریخ کی ایک اور یادگار کامیابی کے ساتھ ہوگا۔تاہم رونالڈو نے فی الحال فوری ریٹائرمنٹ کا اعلان نہیں کیا۔
ان کے الفاظ سے صرف یہ اشارہ ملا ہے کہ فٹبال میں ان کا اختتامی مرحلہ قریب آچکا ہے اور رواں سیزن ان کے کیریئر کا آخری سیزن ثابت ہوسکتا ہے۔
دو دہائیوں سے زائد عرصے تک گولز، ریکارڈز اور کامیابیوں سے فٹبال کی دنیا پر راج کرنے والے کرسٹیانو رونالڈو کے ممکنہ ریٹائرمنٹ کے اعلان نے دنیا بھر میں ان کے مداحوں کو ایک جذباتی سوال کے سامنے لاکھڑا کیا ہے کہ کیا واقعی فٹبال کا ایک عظیم ترین باب اب اختتام کے قریب ہے؟
رونالڈو نے ریٹائرمنٹ کی حتمی تاریخ تو نہیں بتائی، لیکن ’شاید یہ میرا آخری سال ہو‘ کہہ کر واضح کردیا ہے کہ فٹبال کے میدان میں ان کا اختتامی سفر شروع ہوچکا ہے، جبکہ 1000 گولز کا تاریخی سنگِ میل اب ان کے سامنے سب سے بڑا ہدف ہے۔
