آسٹریلیا نے دوسرے ٹیسٹ میں بنگلہ دیش کو ہرا دیا ، سیریز 1-1 سے برابر
مچل اسٹارک نے 10 اور کپتان پیٹ کمنز نے 6 وکٹیں حاصل کیں
آسٹریلیا نے دوسرے ٹیسٹ میں بنگلہ دیش کو ہرا دیا ، سیریز 1-1 سے برابر
آسٹریلیا نے دوسرے ٹیسٹ میں بنگلادیش کو ایک اننگز اور51 رنز شکست دے دی،ایک طرف بنگلادیش نے پہلے ٹیسٹ میں تاریخ رقم کی، تو دوسری جانب آسٹریلیا نے اگلے ہی میچ میں حساب برابر کردیا۔
میکائے ٹیسٹ میں آسٹریلوی بولرز نے ایسی تباہ کن بولنگ کی کہ بنگلادیشی ٹیم دونوں اننگز میں سنبھل نہ سکی اور میچ صرف دو دن میں ختم ہوگیا۔میکائے میں کھیلے گئے
سیریز کے دوسرے اور آخری ٹیسٹ میں آسٹریلیا نے بنگلادیش کو اننگز اور 51 رنز سے شکست دے کر دو میچز کی سیریز 1-1 سے برابر کردی۔آسٹریلیا نے ٹاس جیت کر پہلے بنگلادیش کو بیٹنگ کی دعوت دی،
لیکن مہمان ٹیم کی بیٹنگ لائن اپ آسٹریلوی بولرز کے سامنے مکمل طور پر ناکام رہی اور پہلی اننگز میں صرف 64 رنز پر پوری ٹیم پویلین لوٹ گئی۔
بنگلادیش کے معمولی اسکور کے جواب میں آسٹریلیا کی ٹیم بھی بڑی برتری حاصل نہ کرسکی اور 210 رنز پر آل آؤٹ ہوگئی، تاہم اسے پہلی اننگز میں 146 رنز کی اہم برتری مل گئی۔
146 رنز کے خسارے کے ساتھ دوسری اننگز شروع کرنے والی بنگلادیشی ٹیم ایک بار پھر آسٹریلوی بولرز کے سامنے بے بس نظر آئی اور پوری ٹیم صرف 95 رنز پر ڈھیر ہوگئی۔ یوں آسٹریلیا نے اننگز اور 51 رنز سے شاندار فتح اپنے نام کرلی۔
آسٹریلیا کی فتح میں مچل اسٹارک نے مرکزی کردار ادا کیا۔ انہوں نے دوسری اننگز میں 4 وکٹیں حاصل کیں جبکہ میچ میں مجموعی طور پر 10 بنگلادیشی بیٹرز کو پویلین کی راہ دکھائی۔
پیٹ کمنز اور نیتھن لائن نے بھی دوسری اننگز میں 3،3 وکٹیں حاصل کرکے بنگلادیشی بیٹنگ کی مشکلات میں مزید اضافہ کردیا۔میچ کی کم اسکورنگ کا اندازہ اس بات سے لگایا جاسکتا ہے کہ دونوں ٹیموں کی جانب سے مجموعی طور پر صرف 369 رنز بنائے گئے،
جبکہ میچ کا فیصلہ تیسرے دن کا کھیل شروع ہونے سے پہلے ہی ہوگیا۔یہ نتیجہ پہلے ٹیسٹ کے بالکل برعکس رہا، جس میں بنگلادیش نے آسٹریلیا کو اسی کی سرزمین پر پہلی بار شکست دے کر تاریخ رقم کی تھی۔
ڈارون میں کھیلے گئے پہلے ٹیسٹ میں بنگلادیش نے آسٹریلیا کو 9 وکٹوں سے مات دی تھی۔تاہم دوسرے ٹیسٹ میں آسٹریلیا نے شاندار انداز میں کم بیک کرتے ہوئے نہ صرف میچ اپنے نام کیا
بلکہ دو ٹیسٹ میچز کی سیریز بھی ایک ایک سے برابر کردی۔میچ کے اختتام پر دونوں ٹیموں کے کپتانوں نے مشترکہ طور پر ٹرافی اٹھائی۔ ورلڈ ٹیسٹ چیمپئن شپ کی پوائنٹس ٹیبل پر آسٹریلیا بدستور پہلی پوزیشن پر موجود ہے،
جبکہ بنگلادیش چوتھے نمبر پر برقرار ہے۔واضح رہے کہ سیریز کے پہلے ٹیسٹ میچ میں بنگلا دیش نے آسٹریلیا کو شکست دے کر تاریخ رقم کی تھی، مہمان ٹیم کی جانب سے پہلے میچ میں غیر معمولی کارکردگی دکھائی گئی تھی۔
