افغان کرکٹر راشد خان پر قسمت کی دیوی مہربان

انیس سالہ راشد خان انٹرنیشنل لیگز کی جان بن چکے ہیں۔ افغانستان کے جادوگر سپنر کا انگلش کاؤنٹی سسیکس سے معاہدہ ہو گیا ہے۔ راشد خان پہلے افغان کرکٹر ہیں جنھیں کاؤنٹی کھیلنے کا موقع ملا ہے۔

لیگ سپنر راشد خان نے اس سے قبل آئی پی ایل میں اپنی دھاک بٹھائی، پھر بنگلا دیش اور کیربیئنز لیگ میں بھی خوب دھوم مچائی تھی۔ حالیہ بگ بیش لیگ میں راشد خان نے ایڈیلیڈ سٹرائیکرز کو چیمپئن بنوایا، انہوں نے سب سے زیادہ 18 کھلاڑیوں کو ٹھکانے لگایا تھا۔ راشد خان اپنی گیند سے وکٹ توڑنے والے دنیا کے پہلے سپن باؤلر بھی ہیں۔