فخر زمان اور محمد عامر کیلئے ایک اور اعزاز

لندن (سپورٹس لنک رپورٹ ) برطانیہ کی معروف کرکٹ ویب سائٹ نے سالانہ ایوارڈز کا اعلان کر دیا ہے۔ چیمپئنز ٹرافی میں زبردست پرفارمنس دکھانے والے فخر زمان کو بہترین ون ڈے بلے باز جبکہ محمد عامر کو سال کا بہترین ون ڈے بائولر قرار دیا گیا ہے۔ برطانوی کرکٹ ویب سائٹ کے سالانہ ایوارڈز کا اعلان کر دیا گیا۔

چیمپئنز ٹرافی 2017 میں گرین شرٹس کی کامیابی کی دھوم 2018 میں بھی برقرار ہے۔ میگا ایونٹ میں اپنی بیٹنگ سے دِل جیتنے والے فخر زمان کو ون ڈے فارمیٹ کا بہترین بیٹسمین قرار دیا گیا ہے۔ انہوں نے فائنل میچ میں بھارت کے خلاف سنچری بھی داغی تھی۔ قومی فاسٹ بائولر محمد عامر بھی کسی سے پیچھے نہیں۔ مِنی ورلڈ کپ میں بہترین گیند بازی کرنے پر وہ سال کے بہترین ون ڈے بولر قرار پائے۔